ᑐᕋᖅᑐᖅ ᓄᑖᒧᑦ ᐅᑭᐅᖅᑕᖅᑐᑉ ᐊᑐᐊᒐᒃᓴᖓᓄᑦ
ᒫᓐᓇ ᖃᓄᐃᓕᖓᓂᖓ: ᒪᑐᔪᖅ
ᐅᓇ ᐱᓕᕆᔭᐅᕙᓪᓕᐊᓕᓚᐅᖅᑐᖅ ᐊᐃᕆᓕ 2017-ᒥ ᑭᒃᑯᑐᐃᓐᓇᓪᓗ ᐅᖃᕐᕕᒃᓴᖃᕈᓐᓇᖅᖢᑎᒃ ᔮᓄᐊᕆᐅᑉ ᕖᕗᐊᕆ 2018ᒥ.
ᑖᕙᑎ ᒪᒃᐃᒐᕐᒥᑦ
ᖃᓄᐃᒻᒪᑦ
ᑎᓯᐱᕆ 20, 2016ᒥ, ᑲᓇᑕᐅᑉ ᓯᕗᓕᐅᖅᑎᖓ ᔭᔅᑎᓐ ᑐᕉᑐ ᑐᓴᖅᑎᑦᑎᓚᐅᖅᑐᖅ ᐅᓇ ᓄᑖᖅ ᐅᑭᐅᖅᑕᖅᑐᑉ ᐊᑐᐊᒐᖅ ᑲᑐᑎᔭᐅᓗᓂ ᐱᕙᓪᓕᐊᑎᑕᐅᓂᐊᖅᑐᖅ ᐃᑲᔪᖃᑎᒌᒡᓗᑎᒃ ᓄᓇᖃᖅᑳᖅᓯᒪᔪᑦ, ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᓂ ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᓂ ᐱᓇᓱᐊᖃᑎᒌᑦ ᐃᓇᖐᓂᐊᕐᒪᑕ ᑲᓇᑕᐅᑉ ᐅᑭᐅᖅᑕᖅᑐᒧᑦ ᐋᖅᑭᒃᓯᒪᔾᔪᑎᒃᓴᖓᑦ (2009) ᐊᒻᒪᓗ ᐅᖃᖅᓯᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᐊ ᐊᑭᐊᓄᑦ ᐊᑐᐊᒐᖅ (2010).
ᐅᓇ ᐱᕙᓪᓕᐊᓂᖓ ᐋᖅᑭᒃᓯᒪᓂᐊᖅᑐᑦ ᐊᖏᖅᓯᒪᔭᖏᑦᑎᒍᑦ ᐊᒥᐊᓕᑲᒥᐅᑦ-ᑲᓇᑕ ᑲᑐᔾᔨᓪᓗᑎᒃ ᓯᕗᓕᐅᖅᑎᑦ ᐅᖃᖅᓯᒪᔭᖏᒃ ᐊᒻᒪᓗ ᖃᐅᔨᒪᑎᑕᐅᓛᖅᖢᓂ ᒥᐊᓕ ᓴᐃᒪᓐ ᐅᓂᒃᑳᓕᐊᖏᓐᓄᑦ ᑕᒪᐃᓐᓂᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᐊᖓᔪᖅᑳᖑᓂᕐᒧᑦ ᐃᓚᐅᑎᑦᑎᓂᕐᒧᑦ. ᑲᓇᑕᐅᑉ ᒐᕙᒪᑐᖃᖓ ᐃᓕᓴᖅᓯᔪᖅ ᐱᓕᕆᔭᐅᕐᔪᐊᖅᓯᒫᓂᒃᑐᓂᒃ ᐱᒻᒪᕆᐅᓪᓗᑎᒃ ᐃᓚᒋᔭᑦᑎᓐᓄᑦ ᐋᖅᑭᒃᓱᐃᓂᕐᒥᓂᒃ ᓯᕗᓪᓕᐅᑎᑕᒥᓂᒃ ᓇᖕᒥᓂᖅ ᐊᕕᒃᓯᒪᓂᕆᔭᒥᖕᓄᑦ. ᐅᓇ ᐱᕙᓪᓕᐊᓂᖓ ᑐᙵᕕᖃᓛᖅᑐᖅ ᐃᓇᖏᖅᓰᙱᖔᕐᓗᓂ ᑖᒃᑯᓂᖓ ᐱᒻᒪᕆᐅᔪᓂᒃ ᐱᓕᕆᐊᕆᔭᐅᓯᒪᔪᓂᒃ.
ᑭᒃᑯᑦ
ᑲᓇᑕᐅᑉ ᒐᕙᒪᒃᑯᖏᑦ ᓴᓇᖃᑎᖃᕐᓂᐊᖅᑐᑦ ᐃᑲᔪᖃᑎᒌᒡᓗᑎᒃ ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᑦ, ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᑎᒪᔨᐅᔪᑦ ᓇᓗᓇᐃᖅᓯᓗᑎᒃ ᐊᒻᒪᓗ ᓴᓇᓗᑎᒃ ᐊᑯᓂᐅᔪᒃᑯᑦ ᑕᐅᑦᑐᕆᔭᐅᓂᐊᖅᑐᓂᑦ 2030ᒧᑦ ᑲᓇᑕᒥᐅᓄᑦ ᐊᒻᒪᓗ ᓄᓇᕐᔪᐊᑉ ᑲᔾᔨᐊᓂ ᐅᑭᐅᖅᑕᖅᑐᒦᑦᑐᑦ.
ᑕᒪᕐᒥᒃ ᒐᕙᒪᒃᑯᑦ ᐱᒋᐊᕈᑎᖓ ᐃᓚᖃᖅᑐᖅ ᐊᒥᓱᓂᒃ ᐊᐅᓚᑦᓯᕕᖏᓐᓂᒃ ᐊᒻᒪᓗ ᑎᒥᖁᑎᖏᓐᓂᒃ ᓇᓂᑐᐃᓐᓇᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᑲᔫᑎᓂᐊᖅᑐᑦ ᑕᒪᑐᒧᖓ ᐱᕙᓪᓕᐊᓂᖓᓄᑦ. ᐅᓇ ᐃᓚᖃᖅᑐᖅ ᓴᓇᖅᑲᑎᖃᕐᓗᑎᒃ ᐋᖅᑭᒃᑕᐅᓯᒪᓗᑎᒃ ᐃᓱᓕᑦᑕᕐᕕᒋᓂᐊᖅᑕᖏᑦ ᖃᖓᐅᓕᖅᐸᑦ ᑲᑐᔾᔨᖃᑎᒌᒡᓗᑎᒃ ᐸᕐᓇᐃᓗᑎᒃ, ᑎᑎᕋᕐᓗᑎᒃ ᐊᒻᒪᓗ ᖃᐅᔨᓇᓱᑦᑎᐊᕐᓗᑎᒃ ᐋᖅᑭᒃᓱᖅᓯᒪᔪᓂᑦ ᓯᕗᓪᓕᖅᐸᐅᑎᑕᕆᐊᓕᖕᓂᒃ ᐊᒻᒪᓗ ᐋᖅᑭᒃᓯᒪᔾᔪᑎᒃᓴᖏᓐᓂᒃ ᑲᓇᑕᒧᑦ ᐅᑭᐅᖅᑕᖅᑐᒥ.
ᑲᓇᑕᐅᑉ ᒐᕙᒪᒃᑯᖏᑦ ᐱᓇᓱᐊᖃᑎᖃᕐᓂᐊᖅᑐᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᑎᒥᖏᓐᓂᒃ ᐊᒻᒪᓗ ᐋᖅᑭᒃᓯᓯᒪᓂᐊᖅᑐᑦ ᐊᕕᒃᑐᖅᓯᒪᔪᓂ ᑲᑎᒪᑎᑦᑎᓗᑎᒃ ᕿᓂᕐᓗᑎᒃ ᑭᐅᔾᔪᑕᐅᔪᓐᓇᖅᑐᓂᒃ ᓄᓇᓕᖕᓂ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᓐᓂᑦ. ᐊᓯᖏᓐᓂᒃ ᐱᕕᒃᓴᖅᑕᖃᓛᖅᑐᖅ ᑐᓴᖅᑎᑦᑎᕝᕕᒃᓴᖃᖅᑎᑕᐅᓗᑎᒃ.
ᑕᒪᐃᓐᓂᑦ ᐱᓕᕆᔪᒪᔪᓂᑦ ᐱᓇᓱᐊᖃᑎᒌᓂᑦ ᐅᖃᐅᓯᒃᓴᖏᑦ ᑐᙵᓱᒃᑎᑕᕗᑦ.
ᑭᓱ
ᑲᑲᓇᑕ ᐅᑭᐅᖅᑕᖅᑐᒧᑦ ᐃᓚᒋᔭᐅᕗᖅ ᐊᒻᒪᓗ ᑲᓇᑕᐅᑉ ᒐᕙᒪᑐᖃᖓ ᐃᓕᓴᖅᓯᓯᒪᔪᖅ ᐅᑭᐅᖅᑕᕐᒥ ᐊᐅᓚᑦᑎᓂᖅ ᑕᒪᐃᓐᓂᑦ ᓯᕗᓕᐅᖃᑎᒌᒍᑕᐅᔭᕆᐊᖃᕐᓂᖓᓂᒃ. ᑕᐃᒪᓗ ᒐᕙᒪᑐᖃᒃᑯᑦ ᐋᖅᑭᒃᓯᓯᒪᕗᑦ ᓯᕗᓪᓕᖅᐸᐅᑎᑕᕆᐊᖃᖅᑕᒥᖕᓂᒃ ᐊᒡᒋᖅᑐᓄᑦ ᐅᑭᐅᓄᑦ, ᓴᓇᖃᑎᖃᕐᓂᐊᖅᑐᖅ ᖃᓂᒋᓗᒋᑦ ᐅᑭᐅᖅᑕᖅᑐᒥ ᓄᓇᖃᖅᑐᑦ ᐊᒻᒪᓗ ᒐᕙᒪᒃᑯᑦ ᐊᑐᕐᓂᐊᕐᒪᑕ ᑕᐅᑦᑐᕆᔭᖏᑦ ᐊᒻᒪᓗ ᓯᕗᓪᓕᖅᐸᐅᑎᑕᕆᐊᖃᖅᑕᖏᑦ ᓯᕗᓪᓕᖅᐸᐅᑎᑕᐅᓂᐊᕐᒪᑕ ᐊᑐᐊᒐᕐᒥ ᐃᓱᒪᓕᐊᖑᓂᐊᖅᑐᓂ ᐊᒃᑐᐃᓂᐊᖅᑐᑦ ᓯᕗᓂᒃᓴᖓᓂ ᑲᓇᑕᐅᑉ ᐅᑭᖅᑕᖅᑐᐊᓂᒃ ᐊᒻᒪᓗ ᑲᓇᑕᐅᑉ ᐃᓂᖓ ᓯᓚᕐᔪᐊᑉ ᑲᔾᔨᐊᓂ ᐅᑭᐅᖅᑕᖅᑐᖏᓐᓂᑦ. ᐅᓇ ᓄᑖᖅ ᐊᑐᐊᒐᒃᓴᖅ ᓴᕿᑕᐅᓂᐊᖅᑐᖅ ᐋᖅᑭᒋᐊᑦᓯᐊᑲᓐᓂᖁᓪᓗᒋᑦ ᐊᒻᒪᓗ ᓯᕗᓪᓕᖅᐸᐅᑎᖄᕐᓗᒋᑦ ᒐᕙᒪᑐᖃᒃᑯᑦ ᖃᓄᐃᓕᐅᕈᑎᒋᔭᖏᑦ ᐅᑭᐅᖅᑕᖅᑐᒧᑦ. ᐅᓇ ᐊᕙᓗᖓ ᑕᐃᒪᓐᓇᐅᔪᖅ ᐅᓄᖅᓯᒋᐊᖁᓪᓗᒋᑦ ᐱᓇᓱᐊᖃᑎᒌᑦ ᐊᒻᒪᓗ ᐃᑲᔪᖃᑎᒌᑦᑎᐊᕐᓗᑎᒃ ᐊᕙᑖᓂ ᒐᕙᒪᑐᖃᒃᑯᑦ, ᓄᓇᖃᖅᑳᖅᓯᒪᔪᑦ ᐊᒻᒪᓗ ᑎᐊᓕᑐᐊᓕ ᐊᒻᒪᓗ ᑲᓇᑕᐅᑉ ᐊᕕᒃᑐᖅᓯᒪᔪᖏᓐᓂ ᒐᕙᒪᒃᑯᑦ.
ᐅᓇ ᐊᕙᓗᒃᓴᖓ ᐊᑑᑎᖃᕐᓂᐊᖅᑐᖅ ᐅᑯᓄᖓ:
- ᔫᑳᓐ
- ᓄᓇᑦᓯᐊᖅ
- ᓄᓇᕗᑦ
- ᐃᓄᐃᑦ ᓄᓇᖓᑦ: ᐃᓄᕕᐊᓗᐃᑦ ᐊᖏᖃᑎᒌᖕᓂᒃᑯᑦ ᐊᕕᒃᓯᒪᔪᖅ, ᓄᓇᑦᓯᐊᖅ ᐊᒻᒪᓗ ᔫᑳᓐ
- ᓄᓇᑦᓯᐊᕕᑦ ᓛᐸᑐᐊᕈᒥ
- ᓄᓇᕕᒃ ᑯᐸᐃᒃᒥ
- ᐊᓯᖏᑦ ᐅᐊᖕᓇᖓᓂ ᒪᓂᑑᐸ, ᐃᓚᒋᔭᐅᓪᓗᓂ ᑰᒃᔪᐊᕌᓗᒃ
ᑕᐃᒪᓗ ᔫᓐ 2017, ᐊᒥᓲᔪᑦ ᑐᑭᑖᕆᓂᐊᖅᑕᖏᑦ ᓇᓗᓇᐃᖅᑕᐅᓚᐅᖅᑐᑦ, ᐅᑯᐊᓗ ᐋᖅᑭᑦᑎᐊᑲᓐᓂᕐᓂᐊᖅᑐᑦ ᐅᖃᖃᑎᒌᒍᑕᐅᓗᑎᒃ ᐱᓇᓱᐊᖃᑎᒋᔭᑦᑎᓂᑦ:
- ᑕᒪᐃᓐᓂᒃ ᐱᓯᒪᔪᖅ ᐅᑭᐅᖅᑕᖅᑐᖅ ᓇᑉᐸᖅᓯᒪᔭᖏᓐᓂᒃ ᐃᒡᓗᓕᐊᖏᓐᓂᒡᓗ
- ᓴᙱᔪᑦ ᐅᑭᐅᖅᑕᖅᑐᒥᐅᑦ ᐃᓄᖏᑦ ᐊᒻᒪᓗ ᓄᓇᓖᑦ
- ᓴᙱᔪᑦ, ᑲᔪᓯᑦᑎᐊᖏᓐᓇᕈᓐᓇᖅᑐᑦ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᒪᑭᒪᐅᑎᒃᓴᐃᑦ
- ᐅᑭᐅᖅᑕᖅᑐᒥ ᖃᐅᔨᓴᐃᓂᒻᒪᕆᒃ ᐊᒻᒪᓗ ᓄᓇᖃᖅᑳᖅᑐᑦ ᖃᐅᔨᒪᔭᑐᖃᖏᑦ
- ᓴᐳᒻᒥᓗᒋᑦ ᐊᕙᑎᑦᑎᓂ ᐊᒻᒪᓗ ᓴᐳᓐᓂᐊᕐᓂᖅ ᐅᑭᐅᖅᑕᖅᑐ ᐆᒪᔪᓕᒫᖏᓐᓂᒃ ᖃᓄᐃᑦᑐᑐᐃᓐᓇᓂᒃ.
- ᐅᑭᐅᖅᑕᖅᑐᖅ ᓄᓇᕐᔪᐊᒥᒃ ᐃᓗᓕᖃᖅᑐᖅ
ᐅᓇ ᐱᕙᓪᓕᐊᓂᖓ ᑐᓴᖅᑎᑦᑎᔾᔪᑎᒋᓂᐊᖅᑕᖓ ᑕᒪᐅᓐᓇ ᑭᖑᓪᓕᖅᐹᖅᓯᐅᑎᒥᒍᑦ ᐱᔭᕇᖅᓯᒍᑎᒥᒍᑦ ᒥᐊᓂ ᓴᐃᒪᓐ ᑖᒃᑯᓇᖓᑦ ᑕᒪᐃᓐᓂᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᐊᖓᔪᖅᑳᖑᓂᕐᒧᑦ ᐃᓚᐅᑎᑦᑎᓂᕐᒧᑦ ᐊᒻᒪᓗ ᐊᑖᓂ ᑎᑎᕋᖅᓯᒪᔪ ᐅᑭᐅᖅᑕᖅᑐᒥ ᓯᕗᓪᓕᐅᖅᑎᑦ ᑐᑭᑖᕈᑎᒋᕙᓪᓕᐊᓂᐊᖅᑕᖏᑦ:
- ᓴᐳᒻᒥᓗᒋᑦ ᑎᖕᒥᐊᑦ ᐆᒪᔪᓕᒫᓪᓗ ᑕᒪᐅᓐᓇ ᖃᐅᔨᓴᐃᓂᒻᒪᕆᒃᑎᒍᑦ ᐃᓱᒪᒃᓴᖅᓯᐅᕈᑎᖃᖃᑦᑕᕐᓗᑎᒃ
- ᐃᓚᓕᐅᑎᓗᒋᑦ ᐅᑭᐅᖅᑕᖅᑐᒥ ᖃᐅᔨᓴᐃᓂᒻᒪᕆᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖓ ᐃᓱᒪᓕᐅᕈᑎᖃᖃᑦᑕᕐᓗᑎᒃ
- ᐋᖅᑭᒃᓱᕐᓗᒋᑦ ᑲᔪᓯᑦᑎᐊᖏᓐᓇᕈᓐᓇᖅᑐᑦ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᒪᑭᒪᐅᑎᒃᓴᐃᑦ
- ᐃᑲᔪᖅᑐᑦ ᓴᙱᔪᒥᒃ ᐅᑭᐅᖅᑕᖅᑐᒥᐅᑦ ᐃᓄᖏᑦ ᐊᒻᒪᓗ ᓄᓇᓖᑦ
ᐊᓯᖏᑦ ᓯᕗᓪᓕᖅᐸᐅᑎᒋᐊᓕᑦ ᐊᑑᑎᖃᒻᒪᕆᒃᑐᓄᑦ ᐅᑭᐅᖅᑕᖅᑐᒥ ᓄᓇᖃᖅᑐᓄᑦ, ᐊᒻᒪᓗ ᐱᓕᕆᔭᕆᐊᓕᑦ ᑎᑎᖃᓂᑦ ᐊᒻᒪᓗ ᐅᖃᐅᓯᕐᓂᑦ ᑐᓐᓂᖁᑕᐅᔪᓂᒃ ᐊᕕᒃᑐᖅᓯᒪᔪᓂ ᑲᑎᒪᔪᓂᑦ ᐊᒻᒪᓗ ᖃᕆᓴᐅᔭᒃᑯᑦ, ᐊᒻᒪᓗ ᐃᓱᒪᒋᑦᑎᐊᕐᓗᒋᑦ ᐱᕙᓪᓕᐊᑎᑕᐅᓂᖓ ᑲᓇᑕᐅᑉ ᓄᑖᖅ ᐅᑭᐅᖅᑕᖅᑐᒧᑦ ᐊᑐᐊᒐᒃᓴᖓ.
ᑕᒪᐅᓐᓇ ᐱᕙᓪᓕᐊᓂᖃᕐᓗᓂ, ᑲᓇᑕᐅᑉ ᒐᕙᒪᒃᑯᖏᑦ ᕿᓂᖅᑐᑦ ᓇᓗᓇᐃᖅᓯᒍᒪᓪᓗᑎᒃ:
- ᑕᐅᑦᑐᖏᑦ ᐊᒻᒪᓗ ᓯᕗᓪᓕᖅᐸᐅᑎᒋᐊᓕᑦ ᐊᑑᑎᖃᖅᑐᑦ ᑕᒫᓂ ᓄᓇᑦᑎᓐᓂ ᐱᓇᓱᐊᖃᑎᒌᒃᑎᒍᑦ ᑕᒡᕗᖓ 2030.
- ᒫᓐᓇᐅᔪᖅ ᐃᖅᐸᖅᓯᒪᔪᑦ ᐊᒻᒪᓗ ᐱᔭᕐᓂᓐᖏᑦᑐᑦ ᐅᑯᐊ ᐅᖃᐅᓯᐅᔭᕆᐊᓕᑦ ᓄᑖᒧᑦ ᐅᑭᐅᖅᑕᖅᑐᒥ ᐊᑐᐊᒐᒃᓴᓄᑦ.
- ᐱᕕᖃᖅᑎᑦᑎᓂᖅ ᐱᓇᓱᐊᖃᑎᒌᖕᓂᒃᑯᑦ ᓄᓇᖅᑲᖅᑳᖅᓯᒪᔪᓪᓗ ᑲᑎᒪᔨᑦ, ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᑦ ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᓂ ᒐᕙᒪᒃᑯᑦ ᐊᒻᒪᓗ ᐊᓯᖏᑦ (ᓲᕐᓗ ᓇᖕᒥᓂᖅ ᐃᖅᑲᓇᐃᔭᕐᕕᒋᔭᐅᔪᑦ, ᐃᓕᓐᓂᐊᕐᕕᑦ, ᐅᑭᐅᖅᑕᖅᑐᒥᐅᑦ ᐊᒻᒪᓗ ᐅᑭᐅᖅᑕᖅᑐᒦᓐᖏᑦᑐᑦ)
- ᐱᕕᖃᖅᑎᑦᑎᓂᖅ ᑲᑎᖓᑎᑦᑎᓗᓂ ᒫᓐᓇᐅᔪᖅ ᒐᕙᒪᑐᖃᒃᑯᑦ ᐃᖏᕐᕋᓯᑎᓯᒪᔭᖏᓐᓂᒃ ᑖᑯᓄᖓ ᐊᑐᖁᔭᐅᔪᑦᓄ ᑲᓇᑕᐅᑉ ᓄᑖᖅ ᐅᑭᐅᖅᑕᖅᑐᒧᑦ ᐊᑐᐊᒐᒃᓴᕐᒧᑦ
ᑕᐃᒪᓗ ᓄᑖᖅ ᐅᑭᐅᖅᑕᖅᑐᒥ ᐊᑐᐊᒐᒃᓴᖅ ᖃᐅᔨᒪᑎᑦᑎᔾᔪᑎᒃᓴᓂᒃ ᐃᓱᒪᓕᐅᕈᑎᖃᖃᑦᑕᕐᓂᐊᖅᑐᖅ ᑲᓇᑕᒥ ᐊᒻᒪᓗ ᓄᓇᕐᔪᐊᒥ ᑲᔾᔨᖏᓐᓂ ᓄᓇᓖᑦ ᐅᑭᐅᖅᑕᖅᑐᒥ, ᑲᓇᑕᐅᑉ ᒐᕙᒪᒃᑯᖏᑦ ᐱᓯᒪᓗᒍ ᐃᓱᒪᓕᐊᕈᓐᓇᕐᓂᑎᒃ ᐱᔾᔪᑕᐅᔪᓄᑦ ᐱᓯᒪᑎᓪᓗᒋᑦ ᑲᓇᑕᒥᒃ ᓴᐳᓐᓂᐊᕐᓂᖅ, ᓄᓇᖅᑲᑎᒋᙱᑕᖏᑦ ᐊᑭᐊᓂᕐᒥᐅᑦ ᐊᑐᐊᒐᖏᑦ ᐊᒻᒪᓗ ᐊᓯᖏᓐᓂᑦ ᑲᓇᑕ ᐱᔪᒪᔭᖏᓐᓂᒃ.
ᖃᖓ ᐊᒻᒪᓗ ᓇᓂ
ᐅᑯᐊ ᐊᕕᒃᑐᖅᓯᒪᔪᓂ ᑲᑎᒪᓂᐊᖅᑐᑦ ᖃᐃᖁᔭᐅᓗᑎᒃ ᑭᓯᐊᓂ ᐃᓚᐅᔪᓐᓇᖅᑐᑎᑦ ᐊᓯᐊᒍᑦᑕᐅᖅ.
| ᐅᓪᓗᖓ | ᓇᓃᓛᕐᓂᖓ |
|---|---|
| ᐅᑐᐱᕆ 4, 2017 | ᑰᒃᔪᐊᕌᓗᒃ, ᒪᓂᑑᐸ |
| ᐅᑐᐱᕆ 11, 2017 | ᓇᐃᓐ, ᓅᕙᐅᓐᓛᓐ ᐊᒻᒪᓗ ᓛᐸᑐᐊ |
| ᐅᑐᐱᕆ 12, 2017 | ᒎᔅ ᐸᐃ, ᓅᕙᐅᓐᓛᓐ ᐊᒻᒪᓗ ᓛᐸᑐᐊ |
| ᐅᑐᐱᕆ 30-ᒥᑦ 31-ᒧᑦ, 2017 | ᑰᒃᔪᐊᖅ, ᑯᐸᐃᒃ |
| ᓄᕕᐱᕆ 2, 2017 | ᐃᖃᓗᐃᑦ, ᓄᓇᕗᑦ |
| ᓄᕕᐱᕆ 8ᒥᑦ 9ᒧᑦ, 2017 | ᐃᓅᕕᒃ, ᓄᓇᑦᓯᐊᖅ |
| ᐋᓐᑎᐅᕆᔫ ᐱᖓᔪᖓᑦ ᑎᓯᐱᕆ 13-ᒥᑦ 14-ᒧᑦ, 2017 | ᔭᓗᓇᐃ, ᓄᓇᑦᓯᐊᖅ |
| ᓄᙳᐊᓄᑦ 17, 2018 | ᐋᑐᕚ, ᐊᓐᑎᐊᕆᐅ |
| ᕕᕝᕗᐊᕆ 5, 2018 | ᐅᐃᑦᕼᐅᐊᔅ, ᐊᓐᑎᐅᕆᔫ, ᑎᒥᐅᔪᑦ ᓄᓇᒥᒃ ᐆᒃᑐᕋᐅᑎᖃᕐᐸᑦᑐᑦ |
| ᕕᕝᕗᐊᕆ 6, 2018 | ᐅᐃᑦᕼᐅᐊᔅ, ᐊᓐᑎᐅᕆᔫ, ᐊᑐᖅᑕᐅᓯᒪᖏᑦᑐᓂᒃ ᐱᓕᕆᔪᑦ ᐊᓯᖏᓐᓂᒡᓗ ᓴᓇᕕᓕᖕᓂᒃ |
| ᕕᕝᕗᐊᕆ 7, 2018 | ᐅᐃᑦᕼᐅᐊᔅ, ᐊᓐᑎᐅᕆᔫ, ᒐᕙᒪᐅᓐᖏᑦᑐᑦ ᑲᑐᔾᔨᖃᑎᑦ |
| ᕕᕝᕗᐊᕆ 8, 2018 | ᐅᐃᑦᕼᐅᐊᔅ, ᐊᓐᑎᐅᕆᔫ, ᓄᓇᒥᙶᖅᑐᓂᒃ, ᐃᓱᒪᒃᓴᖅᓯᐅᕈᑕᐅᓲᓂᒃ, ᐊᒻᒪᓗ ᐊᑐᖅᑕᐅᕙᒍᓯᖏᑦ ᖃᐅᔨᓴᐃᓂᒻᒪᕆᒃ |
| ᕕᕝᕗᐊᕆ 9, 2018 | ᐅᐃᑦᕼᐅᐊᔅ, ᐊᓐᑎᐅᕆᔫ, ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᐅᔪᑦ ᐊᒻᒪ ᓯᓚᕐᔪᐊᒥᑦ ᐃᓄᖏᑦ |
| ᕕᕝᕗᐊᕆ 13, 2018 | ᑐᕌᓐᑐ, ᐊᓐᑎᐅᕆᔫ |
| ᕕᕝᕗᐊᕆ 14 - 21, 2018 | ᐃᑭᐊᕿᕕᒃᑯᑦ (ᒪᒃᑯᒃᑐᑦ ᐅᖃᒪᔭᐅᑎᖃᕐᓂᕐᒧᑦ ᑲᑎᒪᓂᕆᔭᕐᔫᔮᖅᑕᖏᑦ) |
| ᒫᔾᔨ 15, 2018 | ᑖᒻᓴᓐ, ᒪᓂᑐᐸ |
ᖃᓄᖅ ᐃᓚᐅᔪᓐᓇᖅᐱᑦ
ᐅᖃᐅᑎᔪᓐᓇᖅᑕᑎᒍᑦ ᖃᓄᖅ ᑲᓇᑕ ᐃᑲᔪᕈᓐᓇᕐᓂᖏᓐᓂᒃ ᓴᖏᒃᑎᑎᓪᓗᒋᑦ, ᐊᔪᖅᓴᓐᖏᑦᑎᐊᓕᖁᓪᓗᒋᑦ ᐊᒻᒪᓗ ᑲᔪᖏᑦᑎᐋᖁᓪᓗᒋᑦ ᐅᑭᐅᖅᑕᖅᑐᖃᕐᓗᑎᒃ. ᐱᖓᓲᔪᑦ ᐱᓕᕆᐊᖑᔪᓐᓇᖅᑐᑦ ᐃᓚᐅᔪᒪᔪᑦ ᐃᒪᓐᓇᐃᓕᐅᕐᓗᑎᒃ:
- ᐊᕕᒃᓯᒪᔪᒧᑦ ᐅᖃᓪᓚᖃᑎᒌᖕᓂᕐᒧᑦ ᑲᑎᒪᔭᖅᑐᖃᑕᐅᓗᑎᑦ (ᖃᐃᖁᔭᐅᓂᒃᑯᑦ ᑭᓯᐊᓂ)
- ᐅᖃᓕᒫᕐᓗᒍ ᐅᖃᖃᑎᒌᒍᑎᒃᓴᑦ ᑐᑭᒧᐊᒍᑎᖏᑦ ᐊᒻᒪᓗ ᐊᐅᓪᓚᖅᑎᑦᑎᓗᑎᑦ ᑐᕌᕈᑎᑦᑎᓄᑦ ᐅᖃᖃᑎᒋᑎᒍᑦ
- ᐅᖃᓕᒫᕐᓗᒍ ᐅᖃᖃᑎᒌᒍᑎᒃᓴᑦ ᑐᑭᒧᐊᒍᑎᖏᑦ ᐊᒻᒪᓗ ᐊᐅᓪᓚᖅᑎᑦᑎᓗᑎᑦ ᐃᒡᕕᑦ ᑭᐅᓯᔾᔪᑎᖏᓐᓂᒃ ᐅᕗᖓ ᑎᑎᕋᕐᓗᑎᑦ ArctiqueEnsemble-ArcticTogether@canada.ca
- ᐊᐅᓪᓚᖅᑎᑦᑎᓗᑎᑦ ᐅᖃᓗᕋᐅᔭᕐᕕᒃ ᐅᕙᓂ #ArcticTogether
ᑕᕐᕆᔭᐅᓴᓪᓕᐊᖑᓯᒪᔪᑦ
ᐊᑕᔪᑦ ᐃᑭᐊᖅᑭᒃᕕᒃᑎᒍᑦ
- ᖃᐅᔨᒋᐊᕈᓐᓇᖅᑐᑎᑦ ᑖᒃᑯᓂᖓ ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᐊᒃᓴᖏᑦ, ᐱᔨᑦᑎᕋᐅᑎᖏᑦ ᐊᒻᒪᓗ ᖃᓄᐃᓕᐅᕈᑕᐅᔪᑦ ᐅᑭᐅᖅᑕᖅᑐᒧᑦ
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: