ᐅᑭᐅᖅᑕᖅᑐᒥ ᐊᑐᐊᒐᖅ ᐊᕙᓗᒃᓴᖓᑕ ᑲᑎᒪᔪᓂᑦ ᐅᓂᒃᑳᖓ: ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᐅᔪᑦ ᐊᒻᒪ ᓯᓚᕐᔪᐊᒥᑦ ᐃᓄᖏᑦ, ᐋᑐᕚ, ᕕᕝᕗᐊᕆ 9, 2018

ᐅᑯᐊ ᓇᖕᒥᓂᖅ ᐅᖃᐅᓯᖅᑎᒃ ᐊᒻᒪᓗ ᑕᐅᑦᑐᕆᔭᖏᑦ ᑎᑎᕋᖅᓯᒪᔪᑦ ᐅᓂᒃᑳᒥ ᑎᑎᕋᖅᑕᐅᔪᑦ ᓯᑐᓛᑐᔅ / BDO ᐅᖃᐅᓯᕆᓯᒪᓐᖏᑕᖏᑦ ᐅᒡᕙᓘᓐᓃᑦ ᑕᐅᑦᑐᕆᓐᖏᑕᖏᑦ ᑲᓇᑕᐅᑉ ᒐᕙᒪᒃᑯᑦ

ᐱᔾᔪᑎᖓ: ᖃᐅᔨᒪᑎᑦᑎᓂᖅ ᐱᕙᓪᓕᐊᑎᑕᐅᓂᖓᓂᒃ ᓄᑖᖅ ᐅᑭᐅᖅᑕᖅᑐᒥ ᐊᑐᐊᒐᖅ ᐊᕙᓗᒃᓴᖓ (ᐊᕙᓗᒃᓴᖓ) ᖃᐅᔨᓂᐊᕐᒪᑕ ᐱᔪᒪᔭᖏᓐᓂᒃ, ᓯᕗᓪᓕᐅᑎᖁᔭᖏᓐᓂᒃ ᐊᒻᒪᓗ ᖃᓄᖅ ᐋᕿᒃᑕᐅᖁᔭᖏᓐᓂᒃ ᐱᓇᓱᐊᖃᑎᒋᔭᖏᑦᑕ ᐊᒻᒪᓗ ᑎᒍᒥᐊᖅᑎᖏᑕ; ᐊᒻᒪᓗ ᓇᓗᓇᐃᕐᓗᒋᑦ ᑲᑐᑎᔭᐆᔪᓐᓇᖅᑐᑦ ᑎᑭᐅᑎᓂᐊᕐᒪᑕ ᐱᔪᒪᔭᒥᖕᓄᑦ ᑐᕌᖅᑕᒥᖕᓄᑦ.

ᑲᑎᒪᖃᑕᐅᔪᑦ:
ᑭᒡᒐᖅᑐᑎᑦ ᓄᓇᒥᐅᑕᓕᕆᔪᑦ, ᑐᑭᓕᐅᕆᔨᐅᔪᑦ ᐊᒻᒪᓗ ᐃᓕᑦᑎᔾᔪᑕᐅᓂᐊᖅᑐᓄᑦ ᖃᐅᔨᓴᐃᓂᒻᒪᕆᑦ ᓇᑭᑐᐃᓐᓇᖅ ᑲᓇᑕᒥ ᐃᓚᐅᓚᐅᖅᑐᑦ ᑲᑎᒪᔪᓂ, ᑖᒃᑯᐊᓗ ᑭᒡᒐᖅᑐᑎᑦ ᐊᕙᓗᒃᓴᖓᓄᑦ ᐱᕙᓪᓕᐊᑎᓯᖃᑎᒌᑦ ᐱᓇᓱᐊᖃᑎᒌᒃᑐᑦ. ᓴᐳᓐᓂᐊᖅᑕᐅᖁᓪᓗᒋᑦ ᐸᒡᕕᓴᒃᑕᐅᔭᕆᐊᖃᖏᓂᖏᑦ ᐃᓚᐅᖃᑕᐅᓚᐅᖅᑐᑦ, ᐊᑎᖏᑦ ᐃᓄᐃᑦ ᑎᑎᕋᐅᓯᕆᓯᒪᓐᖏᓚᑦ, ᑭᓯᐊᓂᒃ ᑕᐃᑯᓇᓂ ᐊᐱᕆᔭᐅᓪᓗᑎᒃ ᐊᖏᖅᓯᒪᔪᓂᒃ ᐅᖃᐅᓯᕆᓚᐅᖅᑕᖏᓐᓂᒃ ᐊᑐᕈᓐᓇᖅᑎᑦᑎᓚᐅᖅᑐᑦ.

ᐅᓂᒃᑳᓕᐊᑉ ᒥᒃᓵᓄᑦ:
ᓴᓇᔭᐅᓂᖏᓐᓂᒃ ᐅᓂᒃᑳᓕᐊᑦ ᑲᑎᖅᓱᖅᑕᐅᓚᐅᖅᑐᑦ ᐅᖃᐅᓯᐅᕙᓚᐅᖅᓂᒃᑦ ᑲᑎᒪᔪᓂᑦ ᐃᓚᒋᔭᐅᓚᐅᖅᑐᓂᒃ ᒪᑯᓂᖓ 6-ᖑᔪᓂᒃ ᐱᔾᔪᑎᖃᖅᑐᓂᒃ ᑐᑭᓯᓂᐊᖅᑎᑕᐅᓪᓗᑎᒃ:

  1. ᐊᑕᖏᖅᓯᒪᓪᓗᒋᑦ ᐅᑭᐅᖅᑕᖅᑐᕐᒥ ᓇᑉᐸᕆᐊᓕᑦ ᐱᑕᖃᕆᐊᓖᑦ
  2. ᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᐃᓄᖃᕐᓂᖓ ᓄᓇᓕᖃᕐᓂᖓᓗ
  3. ᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᑲᔪᓯᑏᓐᓇᒐᒃᓴᐅᔪᓂᒡ ᐊᔾᔨᒌᙱᓐᓂᖃᕈᓘᔭᖅᑐᓂᒡᓗ ᒪᑭᒪᔾᔪᑎᖃᕐᓂᖓ
  4. ᐅᑭᐅᖅᑕᖅᕐᒥ ᖃᐅᔨᓴᕐᑎᒻᒪᕇᑦ ᐊᒻᒪ ᓄᓇᖃᖅᑳᖅᑐᑦ ᖃᐅᔨᒪᔭᑐᖃᖏᑦ
  5. ᓴᐳᔾᔨᓯᒪᔭᖃᕐᓂᖅ ᐊᕙᑎᒋᔭᕐᒥᒃ ᐱᒻᒪᑐᒃᓯᑦᑎᐊᕐᓂᕐᓗ ᐅᑭᐅᖅᑕᖅᑑᑉ ᐆᒪᕕᐅᔪᓂᑦ ᐊᔾᔨᒌᙱᑦᑑᓂᕆᔭᖓᓂᒃ
  6. ᐅᑭᐅᖅᑕᖅᑐᖅ ᓄᓇᕐᔪᐊᕐᒧᑦ ᖃᓄᐃᓕᖓᔫᓂᕆᔭᖓ

ᐅᖃᓪᓚᐅᓯᐅᔪᑦ ᐅᖃᐅᓯᒃᓴᖃᓕᖅᑎᑦᑎᓇᓲᑎᓂᒃ ᐊᐱᖅᑯᓯᖃᖅᖢᑎᒃ, ᑖᒃᑯᐊᓗ ᒥᑭᔪᓂᒃ ᐊᑖᒍᑦ ᑎᑎᕋᐅᓯᕆᓯᒪᓪᓗᑎᒃ. ᐃᖕᒥᒃᑯᑦ ᓂᓪᓕᖅᐸᒃᑐᐃᓐᓇᐅᓚᐅᖅᑑᒐᓗᐊᑦ, ᑭᓯᐊᓂ ᐃᓛᓐᓂᑦ ᑕᒪᒃᑭᕐᓂᕋᖅᓯᒪᕙᒃᖢᑎᒃ.

ᑐᓴᖅᑕᐅᔪᑦ ᓄᐊᑕᐅᔪᑦ ᑕᒪᑐᒪᓐᖓᑦ ᑲᑎᒪᓂᕐᒥᑦ ᐊᑐᖅᑕᐅᓂᐊᖅᑐᑦ ᐱᕙᓪᓕᐊᑎᑦᑎᓂᕐᒧᑦ ᑐᖓᕕᒃᓴᕆᔭᐅᔪᓐᓇᕐᓂᐊᖅᑐᓂᒃ ᐊᕙᓗᒃᓴᖓᓄᑦ, ᑕᐃᒃᑯᓂᖓᓗ ᐃᓚᖃᕐᓗᑎᒃ ᐊᓯᖏᓐᓂᒃᑕᐅᖅ ᑲᑎᖅᓱᖅᑕᐅᓯᒪᖕᒥᔪᓂᒃ ᑲᓇᑕᓕᒫᒥ ᐊᕕᒃᑐᖅᓯᒪᓂᖏᓐᓂᓗ ᐊᒥᓱᓄᑦ-ᐃᑎᒍᒥᐊᖅᑎᐅᔪᓄᑦ ᐊᒃᑐᖅᑕᐅᓯᒪᔪᓐᓇᖅᑐᓄᑦᑕᐅᖅ ᐅᖃᐅᓯᐅᑎᑕᐅᓯᒪᖕᒥᔪᓂᒃ ᐊᒻᒪᓗ ᑲᔪᓰᓐᓇᖅᑐᒥᒃ ᐃᓚᐅᑕᐅᖃᑦᑕᕐᓂᖏᓐᓄᑦ ᓄᓇᖃᖅᑐᑐᖃᐃᑦ ᒐᕙᒪᒋᔭᖏᑦ ᐊᒻᒪᓗ ᑭᒡᒐᖅᑐᐃᔨᖏᑦ ᐊᒻᒪᓗ ᐅᑭᐅᖅᑕᖅᑐᖅᐸᓯᐅᑉ ᐊᕕᒃᑐᖅᓯᒪᓂᖏᓐᓂ ᑲᓇᑕᐅᓪᓗ ᐊᕕᒃᑐᖅᓯᓂᖏᓐᓂ ᒐᕙᒪᒋᔭᐅᔪᓄᑦ ᓇᖕᒥᓂᖅ ᐃᓚᒋᔭᐅᕋᑦᑕᖅᓯᒪᔪᓂᒃ ᐱᕙᓪᓕᐊᑎᑦᑎᖃᑎᒌᒐᓱᐊᖅᑎᐅᔪᓄᑦ ᑲᒪᒋᔭᐅᕙᓪᓕᐊᓂᖓᓄᑦ.

ᐱᕐᔪᐊᕆᔭᐅᓂᖅᓴᐅᔪᑦ ᑐᑭᓕᐅᖅᓯᒪᔪᓂᑦ ᐊᒻᒪᓗ ᑐᓴᖅᑕᐅᖁᔭᐅᔪᓂᑦ ᑐᖓᕕᒃᓴᓕᕆᓂᖏᓐᓄᑦ ᐊᕙᓗᒃᓴᖓᓂᒃ

ᑐᑭᑖᕆᔭᐅᓚᐅᖅᑐᑦ ᐊᒻᒪᓗ ᑐᓴᖅᑕᐅᔪ ᑖᒃᑯᐊᑦᑕᐃᓐᓇᐅᓚᐅᕐᒪᑕ ᐅᖃᐅᓯᐅᔪᑦ ᐅᓪᓗᓕᒫᖅ ᐊᒻᒪᓗ ᑖᓐᓇᑕᐃᓐᓇᖅ ᐊᔾᔨᒌᓐᖏᑦᑐᓄᑦ ᑐᑭᓕᐅᕈᑕᕙᒡᖢᓂ ᐅᑯᐊ ᐊᑖᓂ ᑎᑎᕋᖅᓯᒪᕗᑦ, ᐱᒻᒪᕆᐅᓂᖅᓴᖅᑕᖃᕋᓂ ᓇᓕᐊᖕᓂᒃ.

ᑕᒪᒃᑭᖅᓯᒪᑦᑎᐊᖅᑐᓂᒃ ᐅᑭᐅᖅᑕᖅᑐᒥ ᓇᑉᐸᕆᐊᓕᑦ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᑭᓲᕙᑦ ᐱᕐᔪᐊᖑᔪᑦ ᓇᑉᐸᕆᐊᓕᑦ ᐊᑐᖅᑕᐅᔭᕆᐊᓖᑦ ᓯᕗᓪᓕᐅᔾᔭᐅᔭᕆᐊᓖᑦ ᐅᑭᐅᖅᑕᖅᑐᕐᒧᑦ?
  2. ᑭᓱᓪᓚᕆᑦ ᐱᕕᖃᕐᑎᑦᑎᔾᔪᑕᐅᕙ ᐱᓇᓱᐊᖃᑎᒌᓄᑦ ᐊᒻᒪᓗ ᖃᓄᐃᓕᐅᖃᑎᒌᒍᓯᐅᔪᓐᓇᖅᑐᑦ ᐆᒃᑐᖅᑕᐅᓪᓗᐊᖅᐸᑦ ᕿᓂᖅᑕᐅᓗᑎᒃ?

ᓇᓗᓇᐃᖅᑕᐅᓂᖏᑦ ᓇᑉᐸᕆᐊᓕᑦ ᐱᔭᐅᔭᕆᐊᖃᖅᑐᑦ

  • ᑲᓇᑕᒥ ᒪᓕᒐᐃᑦ ᓇᐃᖅᓯᓯᒪᔭᕆᐊᖃᖅᑐᑦ ᐊᒻᒪ ᐊᑐᖅᑕᐅᓗᓂ ᐅᑭᐅᑕᖅᑐᒥᑦ ᓇᑉᐸᕆᐊᓕᓄᑦ ᐱᑕᖃᕆᐊᖃᖅᑐᓄᑦ (ᓲᕐᓗ, ᐃᓪᓗᓕᕆᓂᖅ, ᐃᒥᖅ, ᐊᓯᖏᓪᓗ)
    • ᐃᓪᓗᑭᔅᓴᕐᓂᐅᔪᖅ ᐊᒻᒪ ᐃᓄᕆᐊᑦᑐᓂᑦ ᖃᓄᐃᓐᓂᖃᖅᑎᑦᑎᔪᓐᓇᕐᒪᕆᑦᑐᖅ ᐃᓅᖃᑎᒌᓐᓂᕐᒧᑦ (ᓲᕐᓗ, ᓯᓂᑦᑎᐊᖃᑦᑕᖏᓐᓂᖅ, ᐳᕙᒃᑯᑦ ᐋᓐᓂᐊᖃᕐᓂᖅ, ᐃᖅᑲᓇᐃᔭᑦᑎᐊᖏᓂᖅᓴᐅᓗᓂᓗ, ᐊᓯᖏᓪᓗ)
    • ᐊᐱᖅᑯᑎᐅᔪᖅ ᐱᓕᕆᐊᖑᔪᓐᓇᖅᑐᖅ ᐃᓅᖃᑎᒌᓐᓂᕐᑯᑦ ᖃᐅᔨᓴᓂᕐᒥᑦ ᖃᐅᔨᓴᕐᓂᖅ: ᓱᒻᒪᑦ ᒪᓕᒐᐃᑦ ᐅᑭᐅᑕᖅᑐᒧᑦ ᐊᔾᔨᒋᖏᓚᖏᑦ ᖃᓪᓗᓈᑦ ᓄᓇᖓᓐᓄᑦ?
  • ᒫᓐᓇᐅᔪᒥᑦ ᓇᑉᐸᕆᐊᓕᖑᔪᑦ, ᓲᕐᓗ ᑰᔾᔪᐊᒥ ᑐᓚᑦᑕᕐᕕᒃ ArcticNet ᖃᐅᔨᓴᖃᑎᒌᑦᑐᑦ, ᒪᑭᒪᑎᑕᐅᔭᕿᐊᓖᑦ
  • ᐱᓕᕆᑎᑦᑎᑲᓐᓂᕆᐊᖃᖅᑐᑦ ᖃᐅᔨᓴᓂᕐᒧᑦ ᓇᑉᐸᕆᐊᓕᓄᑦ (ᓲᕐᓗ, ᓯᑯᓯᐅᑏᑦ, ᖃᐅᔨᓴᕐᕖᑦ, ᓱᓇᒃᑯᑖᑦ, ᑐᓵᔩᑦ) ᐃᑲᔪᖅᑐᐃᓗᑎ ᐃᓅᖃᑎᒌᓐᓂᕐᒧᑦ ᖃᐅᔨᓴᓂᕐᒥᑦ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᓂᕐᒥᑦ
  • ᓯᑯᐃᑦ ᐃᓕᓴᕆᔭᐅᔭᕆᐊᓖᑦ ᐱᒻᒪᕆᐅᓪᓗᓂ ᓇᑉᐸᕆᐊᓕᖑᔪᖅ ᓄᓇᖃᖅᑳᖅᓯᒪᔪᓄᑦ ᖃᓄᐃᓘᕐᕕᒋᕙᑦᑕᖏᓐᓄᑦ
  • ᐅᓇᑕᖅᑐᓕᕆᔨᒃᑯᓐᓄᒧᑦ ᖁᒻᒧᐊᑦᑎᑕᐅᓯᒪᔪᑦ ᐊᑐᖅᑕᐅᔪᓐᓇᖅᑐᑦ ᐃᑲᔪᖅᑐᐃᓗᑎ ᐃᓄᓐᓄᑦ ᖃᕋᓴᐅᔭᒃᑰᕈᑎᓄᑦ ᐱᔭᔅᓴᐅᓗᓂ ᓴᐅᑭᐅᑕᖅᑐᒥᑦ
  • ᓇᑉᐸᕆᐊᓕᖅ ᐃᑲᔪᓱᖅᑕᐅᔭᕆᐊᓕᒃ ᐃᓄᓐᓄᑦ ᐱᔨᑦᑎᖅᑕᓄᑦ ᐊᔾᔨᒌᓐᖑᐊᖅᑎᒐᔅᓴᐅᓗᒍ ᖃᓪᓗᓈᑦ ᓄᓇᖓᓐᓄᑦ
  • "ᒥᑭᔪᓂᑦ ᓵᓚᒃᓴᐅᑏᑦ" ᐃᓱᒪᒋᔭᐅᔭᕆᐊᓕᒃ (ᓲᕐᓗ, ᐊᕐᓇᓄᑦ ᑲᑎᕝᕕᒃ, ᓄᓇᓕᒻᒥᐅᑕᓄᑦ ᑲᑎᕝᕕᐅᔪᓐᓇᖅᑐᑦ)

ᐊᑐᖅᑕᐅᓂᖓ ᐊᑐᖅᑕᐅᓂᐊᖅᑐᒥᑦ ᓇᑉᐸᕆᐊᓕᓄᑦ ᐸᕐᓇᐃᓂᖅ

  • ᐊᑯᓂᐅᔪᒧᑦ, ᐊᑐᖅᑕᐅᓂᐊᖅᑐᒥᑦ ᐱᑕᖃᕆᐊᖃᖅᑐᖅ ᐸᕐᓇᐃᓂᕐᒧᑦ ᓇᑉᐸᕆᐊᓕᓄᑦ ᓲᕐᓗ, ᐃᓪᓗᖃᕆᐊᖃᕐᓂᖅ, ᐃᒥᖅ, ᑭᓈᓗᐃᑦ ᐊᒻᒪ ᐊᐅᓚᔪᓐᓇᐅᑎᓄᑦ ᓇᑉᐸᕆᐊᓕᑦ; ᓂᕿᖃᖅᑎᑦᖅᑎᔩᑦ ᐅᒥᐊᖃᕆᐊᖃᖅᑐᑦ ᐊᒻᒪ ᑐᓚᑦᑕᕐᕕᓂᑦ, ᐊᓯᖏᓪᓗ.
  • ᓄᓇᓖᑦ ᐱᖃᑕᐅᔭᕆᐊᓖᑦ ᐊᒻᒪ ᑐᑭᒧᐊᖅᑎᓪᓗᒋᑦ ᑖᒃᑯᐊ ᐱᓕᕆᐊᑦ ᐱᓕᕆᐊᖃᕈᓐᓇᓂᐊᕐᒪᑕ ᓄᓇᓖᑦ ᐱᔭᕆᐊᖃᖅᑕᖏᓐᓂᑦ ᐊᒻᒪ ᓈᒻᒪᑦᑐᓂᑦ ᐅᑭᐅᑕᖅᑐᒧᑦ
  • ᐆᑦᑑᑎᐅᔪᖅ ᐊᑐᓕᖅᑎᑕᐅᓂᖓᓄᑦ ᐅᑭᐅᑕᖅᑐᒥ ᐃᓄᓐᓄᑦ ᐱᔨᑦᑎᖅᑕᑦ ᒑᓯᓄᑦ ᑖᒃᓯ; ᒐᕙᒪᒐᓚᓐᓄᑦ ᐱᓕᕆᐊᖑᓚᐅᖅᑐᖅ ᑮᓇᐅᔭᖃᖅᑎᑦᑎᓗᑎ ᑐᕌᖓᔪᓄᑦ ᓄᓇᓕᓐᓄᑦ ᐊᒻᒪ ᐊᕕᑦᑐᖅᓯᒪᔪᓄᑦ, ᖄᖐᓪᓗᑎ ᒐᕙᒪᑐᖃᒃᑯᓐᓂᑦ, ᑲᓇᑕᒥ ᐊᕕᑦᑐᖅᓯᒪᔪᓂᑦ ᐊᒻᒪ ᐅᑭᐅᑕᖅᑐᒥᑦ ᐊᕕᑦᑐᖅᓯᒪᔪᓂᑦ ᒐᕙᒪᖏᓐᓂᑦ
  • ᖁᕝᕙᕆᐊᖅᑎᑦᑎᔪᖅ ᐃᓅᓇᓱᐊᓂᕐᒧᑦ ᐅᑭᐅᑕᖅᑐᒥᑦ ᑮᓇᐅᔭᓕᕆᓂᑦᑎᒍᑦ ᐃᑲᔫᑎᖃᒃᑲᓐᓂᕈᓐᓇᖅᑐᖅ ᐱᔪᒥᓇᕐᓂᖓᓄᑦ ᐊᒻᒪ ᓄᓇᓕᒻᒥᐅᑕᕈᕋᑖᖅᓯᒪᔪᑦ ᐱᓯᒪᓗᒋᑦ ᐊᒻᒪ ᓯᕗᓂᔅᓴᒧᑦ ᐱᐅᖅᓱᐊᓗᐊᑲᓪᓚᓪᓗᑎ
  • ᓯᓚᐅᑉ ᐊᓯᔾᔨᕐᓂᖓ ᐱᔾᔪᑎᐅᔪᓐᓇᖅᑐᖅ ᑲᒪᒋᔭᐅᓂᖅᓴᐅᔭᕆᐊᖃᖅᑐᓄᑦ ᐅᑭᐅᑕᖅᑐᒥᑦ.

ᐅᑭᐅᖅᑕᖅᑐᖅ ᐱᒡᒐᙱᑦᑎᐊᖅᑐᓂᒃ ᐃᓄᖃᕐᓂᖓ ᓄᓇᓕᖃᕐᓂᖓᓗ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᓯᕗᓪᓕᕐᒥ ᖃᓄᐃᓕᐅᓗᐊᕆᐊᖃᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᓄᓇᓖᑦ ᖃᓄᖏᑦᑐᓐᓇᖅᓯᔪᓐᓇᕐᓂᐊᕐᒪᑕ?
  2. ᖃᓄᐃᑦᑐᓂᒃ ᐱᕕᒃᓴᖃᕈᓐᓇᖅᐸᑦ ᐃᓚᒌᓕᕐᕕᐅᔪᓐᓇᖅᑐᓂᒃ ᑕᒪᐃᓐᓄᓪᓗ ᑲᑐᔾᔨᖃᑎᒌᒡᕕᐅᓕᕈᓐᓇᖅᑐᓂᒃ?

ᓇᓗᓇᐃᖅᑕᐅᓂᖓ ᖃᓄᐃᖏᑎᐊᕐᓂᖅ

  • ᐊᒥᓱᑦ ᐃᓚᐅᖃᑕᐅᔪᑦ ᐊᖏᓚᐅᖅᑐᑦ ᐅᑭᐅᑕᖅᑐᒥᐅᑕᐃᑦ ᓇᓗᓇᐃᖅᓯᔭᕆᐊᓖᑦ ᑭᓲᓂᖓ "ᓴᖏᔪᖅ ᓄᓇᓕᒃ" ᖃᓄᖅ ᑐᑭᖃᕐᒪᖔᑦ, ᐱᖃᓯᐅᑎᓗᓂ ᑭᓱᓂᑦ ᖃᓄᐃᓕᓯᒋᐊᕐᓯᓗᓂ ᐊᒻᒪᖃᓄᖅ ᖃᓄᐃᓕᓯᒋᐊᕐᓯᓗᓂ
  • ᐊᓯᐊᒎᕈᑎᔅᓴᖅ (ᓄᓇᖃᖅᑳᖅᓯᒪᔪᓪᓗ)ᖃᓄᐃᓕᓯᒋᐊᓂᖅ ᐅᖃᖅᑕᐅᔪᑦ ᓄᓇᓕᓐᓄᑦ ᐋᓐᓂᐊᖅᑐᓕᕆᓂᖅ, ᑮᓇᐅᔭᓕᕆᓂᖅ ᐊᒻᒪ ᐃᓅᖃᑎᒌᓐᓂᕐᒧᑦ ᖃᓄᐃᖏᑎᐊᕐᓂᖅ ᐃᓱᒪᒋᔭᐅᔭᕆᐊᓖᑦ (ᓲᕐᓗ, ᐅᖓᑕᐅᓕᓗᒋᑦ ᒪᓕᒐᐃᑦ ᓲᕐᓗ GDP)
  • ᐃᓕᒍᓐᓇᖅᑐᒍᑦ ᐱᓇᓱᐊᖅᑕᐅᓚᐅᖅᑐᓂᑦ ᓯᓚᕐᔪᐊᒥᑦ ᓄᓇᖃᖅᑳᖅᓯᒪᔪᓄᑦ ᑎᒥᐅᔪᑦ ᓇᓗᓇᐃᖅᓯᓯᒪᔪᑦ ᐊᒻᒪ ᐊᐅᓚᑎᑦᑎᓕᖅᑐᑎ ᐱᓕᕆᐊᓂᑦ ᓴᖅᑭᔮᖅᑎᑦᑎᓂᕐᒧᑦ ᖃᓄᐃᖏᑎᐊᓂᕐᒧᑦ
  • ᓄᓇᓕᒻᒧᑦ−ᐊᐅᓚᑕᐅᔪᑦ ᓅᖃᑎᒌᓐᓂᕐᒧᑦ ᖃᐅᔨᓴᓂᕐᒥᑦ ᖃᐅᔨᓴᕐᓂᐅᔪᖅ ᓇᓗᓇᐃᖅᓯᒍᓐᓇᖅᑐᖅ ᓇᓗᓇᐃᖅᑕᐅᓯᒪᖏᑦᑐᓂᑦ ᖃᓄᐃᖏᑎᐊᓂᕐᒧᑦ, ᑭᓯᐊᓂ ᑕᒪᓐᓇ ᑕᐃᒪᐃᑦᑕᕆᐊᓕ ᓇᓕᒧᓐᓂᖃᕐᓗᓂ ᒐᕙᒪᒃᑯᑦ ᐱᓕᕆᐊᖏᓐᓂᑦ

ᐊᑐᖅᑕᐅᓂᖓ ᑎᒥᒃᑯᑦ ᖃᓄᐃᖏᑎᐊᓂᕐᒧᑦ

  • ᑎᒥᒃᑯᑦ ᖃᓄᐃᖏᑎᐊᕐᓂᐊᔪᖅ ᐱᒻᒪᕆᐅᔪᒥᑦ ᐊᑐᖅᑕᐅᔪᖅ ᑕᕝᕙᓂ ᐃᓱᒪᒋᔭᐅᔪᒥᑦ, ᐱᖃᓯᐅᑎᓪᓗᑎ ᐃᓅᖃᑎᒌᓐᓂᕐᒧᑦ ᐱᔾᔪᑎᒋᔭᖏᑦ ᖃᓄᐃᓐᓂᖏᓐᓄᑦ ᑎᒥᒃᑯᑦ ᖃᓄᐃᖏᑎᐊᓂᕐᒧᑦ

ᓇᑉᐸᕆᐊᓕᓄᑦ ᐱᑕᖃᖏᓐᓂᐅᔪᑦ

  • ᒐᕙᒪᒃᑯᑦ ᐱᓕᕆᑎᑦᑎᔭᕆᐊᖃᖅᑐᑦ ᐱᖁᑎᕐᒧᐊᓄᑦ ᐊᒻᒪ ᐱᔨᑦᑎᖅᑕᓄᑦ (ᓲᕐᓗ, ᐊᑭᑭᓪᓕᒋᐊᖅᑕᐅᓗᑎ ᓂᖀᑦ ᐊᑭᖏᑦ, ᐳᕙᓪᓗᑦᑐᖃᖃᑦᑕᖏᓐᓂᖅᓴᐅᓗᓂ, ᐊᓯᖏᓪᓗ) ᐱᓕᕆᑎᑦᑎᔪᒥᑦ ᓄᓇᓕᒻᒧᑦ−ᐊᐅᓚᑕᐅᔪᖅ ᐃᓱᒪᓕᐅᓂᕐᒧᑦ

ᐊᓯᖏᑦ ᐅᖃᐅᓯᔅᓴᐃᑦ

  • ᑲᒪᒋᔭᐅᔭᕆᐊᓖᑦ ᐊᐅᓪᓛᖅᑕᐅᒋᐊᓖᑦ ᒐᕙᒪᑐᖃᒃᑯᓐᓂᑦ ᓄᓇᓕᓐᓄᑦ, ᐊᕕᑦᑐᖅᓯᒪᔪᓄᑦ, ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓄᑦ ᑮᓇᐅᔭᖃᖅᑎᑕᐅᓂᐅᔪᑦ ᑲᒪᒋᔭᖃᕈᓐᓇᕐᓗᑎ ᓄᓇᓕᒻᒥᑦ ᐊᒻᒪ ᐊᕕᑦᑐᖅᓯᒪᔪᓄᑦ ᓯᕗᓪᓕᐅᔾᔭᐅᔭᕆᐊᓕᓐᓄᑦ
  • ᐱᐅᓂᖓ ᐃᓄᓐᓄᑦ ᐱᔨᑦᑎᖅᑕᐅᔪᑦ (ᓲᕐᓗ, ᐃᓪᓗᓕᕆᓂᖅ, ᐋᓐᓂᐊᖃᕐᓇᖏᑦᑐᓕᕆᓂᖅ, ᐃᓕᓐᓂᐊᕐᓂᖅ, ᐃᒥᖅ, ᐊᓯᖏᓪᓗ) ᖁᕝᕙᕆᐊᕆᐊᓖᑦ ᐅᑭᐅᑕᖅᑐᒥᑦ

ᓴᖏᔫᓂᖅ, ᑲᔪᓯᑏᓐᓇᒐᒃᓴᐃᑦ ᐊᒻᒪᓗ ᐊᔾᔨᒋᖏᑑᑕᐅᓂᖏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᖃᓄᐃᓕᐅᕈᓐᓇᖅᐸᑦ ᓯᕗᕙᕆᐊᖅᑎᑦᑎᔪᓐᓇᕐᓂᕐᒧᑦ ᑲᔪᓰᓐᓇᕈᓐᓇᖅᑐᓂᒃ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᔪᓐᓇᕐᓂᖅ, ᐱᕈᖅᐸᓕᐊᔪᓐᓇᕐᓗᑎᒃ ᒥᑭᔫᑏᑦ ᐊᑯᓐᓂᖅᓱᖅᑐᓄᑦ ᓇᖕᒥᓂᖅ ᐅᑭᐅᖅᑕᖅᑐᒥ ᐱᓕᕆᕕᐅᔪᑦ ᐊᒻᒪᓗ ᐱᑕᖃᓕᕐᓗᑎᒃ ᐊᔾᔨᒋᖏᑦᑑᑏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᐅᔪᓐᓇᖅᑐᑦ?
  2. ᖃᓄᐃᓕᐅᖅᑐᖃᕈᓐᓇᖅᐸ ᓴᕿᑎᑦᑎᕙᓪᓕᔪᓐᓇᕐᓂᖅ ᐊᔪᖏᓂᖏᓐᓂᒃ/ᖃᐅᔨᒪᓂᖃᕈᓐᓇᕐᓂᖏᑦ ᐊᒻᒪᓗ ᐃᓚᐅᑎᑕᐅᓂᖅᓴᐅᓗᑎᒃ ᐅᑭᐅᑕᖅᑐᒥ ᓄᓇᓕᑐᖃᐃᑦ ᓄᓇᖁᑎᖏᓐᓂ ᑮᓇᐅᔭᓕᐅᕐᕕᐅᔪᓐᓇᖅᑐᓂ?
  3. ᖃᓄᐃᑦᑐᓪᓚᕆᖕᓂᒡᓕ ᐱᕕᒃᓴᓕᐅᕈᓐᓇᖅᐸᑦ ᐃᓚᒌᓕᕈᑎᒋᔪᓐᓇᖅᑕᖏᓐᓂᒃ ᐊᒻᒪᓗ ᑕᒪᐃᓐᓄᑦ ᐱᓕᕆᐊᓕᕈᓐᓇᖅᑐᓂᒃ, ᖃᐅᔨᒋᐊᖅᑕᐅᔪᓐᓇᖅᑐᓂᒃ?

ᐊᓯᐊᒎᕈᑎᔅᓴᑦ ᑮᓇᐅᔭᓕᕆᓂᕐᒧᑦ ᐊᑐᖅᑕᐅᔪᑦ ᐅᑭᐅᑕᖅᑐᒥᑦ

  • ᑲᓇᑕ ᒪᑭᒪᑎᑦᑎᑦᑎᐊᕆᐊᓕ ᓇᓗᓇᐃᖅᑕᐅᓂᖓᓄᑦ ᐊᒻᒪ ᐱᕙᓪᓕᐊᑎᑕᐅᓂᖓ ᐊᓯᐊᒎᕈᑎᔅᓴᑦ ᐅᖃᐅᓯᐅᔪᒥᒃ ᓇᓗᓇᐃᖅᑐᖅ 1 ᑮᓇᐅᔭᓕᕆᓂᕐᒧᑦ ᐊᑐᖅᑕᐅᔪᑦ ᐅᑭᐅᑕᖅᑐᒧᑦ ᐃᓗᓕᖏᓐᓄᑦ (ᓲᕐᓗ, ᐅᑭᐅᑕᖅᑐᒨᖓᔪᓄᑦ ᐃᓱᒪᕈᓘᔭᕐᓂᖅ, ᐊᓯᐊᒍᑦ ᐃᓕᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔪᓐᓇᖅᑐᑦ, ᐅᑭᐅᑕᖅᑐᒥ ᖃᑯᐅᔨᒪᔭᖃᕐᓂᖅ, ᓴᓇᖑᐊᒐᐃᑦ ᐊᒻᒪ ᓴᓇᔭᐅᓯᒪᔪᑦ, ᐱᖅᑯᓯᑐᖃᕐᓄᑦ ᐱᖅᑯᓯᓄᓪᓘᓐᓃᑦ ᐱᓕᕆᐊᖑᔪᑦ ᐊᓯᖏᓪᓗ)
    • ᑕᒪᓐᓇ ᖃᐅᔨᓴᖅᑕᐅᔪᓐᓇᖅᑐᖅ ᐊᑐᑎᕐᓗᑎ ᐱᓕᕆᐊᓐᖓᐅᑎᓂᑦ, ᑐᑭᓯᓯᒪᓗᑎ ᐊᑐᖅᑕᐅᓂᖏᑦ ᐊᔾᔨᒌᔾᔮᖏᑦᑐᑦ ᓄᓇᓕᑎᒍᑦ
    • ᑕᒪᓐᓇ ᐱᖃᓯᐅᔾᔨᒍᓐᓇᖅᑐᖅ ᖃᓱᖓᑎᑦᑎᓂᕐᒥᑦ ᐃᓕᓐᓂᐊᑎᑦᑎᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᑲᔪᖅᑐᐃᓗᓂ ᐱᖅᑯᓯᓄᑦ ᐱᓕᕆᐊᖑᕙᑦᑐᓄᑦ
  • ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᖅ ᐱᓕᕆᐊᖑᔭᕆᐊᓕ ᓄᓇᓕᓐᓄᑦ ᐊᐅᓚᑕᐅᔪᓄᑦ ᖃᓄᐃᓐᓂᕆᔭᖏᓐᓂᑦ (ᓲᕐᓗ, ᖃᓄᖅ ᓄᓇᓕᒻᒧᑦ ᑐᓂᓯᖃᑦᑕᖅᑲ ᖃᓄᐃᖏᑎᐊᓂᕐᒧᑦ?) ᑮᓇᐅᔭᐅᖏᖔᖅᑐᓂᑦ ᐅᕝᕙᓘᓐᓃᑦᐊᑐᖅᑕᐅᒐᔪᑦᑐᓂᑦ ᑮᓇᐅᔭᓕᕆᓂᕐᒧᑦ ᖃᓄᐃᓐᓂᕆᔭᖏᓐᓂᑦ
  • ᐃᖅᑲᓇᐃᔭᕐᕖᑦ ᐱᒃᑯᒋᔭᖃᕆᐊᓖᑦ ᑕᒪᒃᑭᓐᓂ ᐱᖅᑯᓯᓄᑦ ᐊᒻᒪ "ᑮᓇᐅᔭᔅᓴᔪᓄᑦ" ᐱᓕᕆᐊᖑᔪᑦ (ᓲᕐᓗ, ᐃᖅᑲᓇᐃᔭᖅᑏᑦ ᓄᖅᑲᖅᓴᕋᐃᒍᓐᓇᕐᓗᑎ ᕿᔪᓐᓂᑦ ᑭᓪᓗᐃᓂᐊᕐᓗᑎ ᖃᐅᒪᑎᓪᓗᒍ)

ᖃᓱᖓᑎᑦᑎᓂᖅ ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᐅᔪᑦ ᓄᓇᓕᒻᒧᑦ ᐱᕙᓪᓕᐊᑎᑦᑎᓂᕐᒧᑦ

  • ᐊᑦᑐᐊᓂᖃᕐᓂᖏᑦ ᖃᐅᔨᓴᓂᕐᒧᑦ ᖃᐅᔨᔭᐅᔪᑦ ᐊᒻᒪ ᐊᑐᐊᒐᐃᑦ ᖁᕝᕙᕆᐊᕆᐊᓖᑦ, ᐱᓗᐊᖅᑐᒥᑦ ᐅᑯᓂᖓ:
    • ᐊᑦᑐᖅᑕᐅᔪᑦ ᐊᒻᒪ ᖃᓄᐃᓕᓯᓗᐊᕐᔭᐃᒃᑯᑏᑦ ᑮᓇᐅᔭᓕᕆᓂᑦᑎᒍᑦ (ᓲᕐᓗ, ᐅᐊᓐᓇᖓᓂᑦ ᓂᒋᖓᓄᑦ)
    • ᐊᑦᑐᐃᓂᖃᖅᑎᑦᑎᔪᐃᓐᓇᐅᔪᑦ ᐃᓅᖃᑎᒌᓐᓂᕐᒧᑦ ᐃᑲᔪᑕᐅᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᖏᑐᖅᓯᐅᑏᑦ (EI) ᐊᑭᓕᐅᑏᑦ (ᓲᕐᓗ, ᐃᓄᐃᑦ ᐃᖅᑲᓇᐃᔮᒧᑦ ᐋᒡᒑᖅᑐᑦ ᐊᑦᑐᐃᓂᖃᕐᓂᐊᕐᓂᖏᓐᓄᑦ ᐃᖅᑲᓇᐃᔭᖏᑐᖅᓯᐅᑎᖏᓐᓄᑦ ᐊᑭᓕᐅᑎᓄᑦ)
    • ᐊᑯᓂᐅᔪᒧᑦ ᐊᑦᑐᖅᑕᐅᔪᑦ ᓄᓇᓕᒻᒥᑦ ᑐᓐᖓᕕᖃᓂᕐᒥᑦ ᐊᑕᐅᓯᕐᒥᑦ ᐱᓕᕆᓂᐅᔪᓂᑦ ᐃᖅᑲᓇᐃᔭᖅᑎᑦᑎᔪᓂᑦ (ᓲᕐᓗ, ᐅᔭᕋᓐᓂᐊᕐᓂᖅ, ᐃᓪᓗᓕᐅᕐᓂᖅ)
    • ᒪᑭᒪᑎᑕᔅᓴᐅᔪᓂᑦ ᓂᕿᓄᑦ ᐊᑐᖅᑕᐅᔪᓂᑦ ᐅᑭᐅᑕᖅᑐᒥᑦ
  • ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᐅᔪᑦ ᖃᓱᖓᑎᑕᐅᔪᓐᓇᖅᑐᖅ ᐃᑲᔪᖅᑐᐃᓗᓂ ᓄᓇᓕᒻᒧᑦ−ᐊᐅᓚᑕᐅᔪᓄᑦ ᐃᓅᖃᑎᒌᓐᓂᕐᒧᑦ ᐱᓕᕆᕕᐅᔪᓂᑦ
    • ᐆᑦᑑᑎᒋᓗᒍ, ᑲᖏᖅᑐᒑᐱᒻᒥ ᖃᓱᑎᑦᑎᓚᐅᖅᑐᑦ ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᐅᔪᑦ ᑭᓇᐅᔭᖃᖅᑎᑕᐅᓗᑎ ᐊᖑᓇᓱᑦᑏᑦ ᓯᑯᓂᑦ ᖃᐅᔨᓴᕐᓂᖃᖅᑐᑎ, ᐊᐅᓪᓛᖅᑕᐅᓂᖏᑦ ᖃᐅᔨᒪᓂᐅᔪᑦ ᒪᒃᑯᑦᑐᓄᑦ, ᐊᓯᖏᓪᓗ.

ᑲᓇᑕᐅᑉ ᓯᓚᑖᓃᖔᑐᑦ ᐱᓕᕆᑎᑦᑎᓂᖏᑦ ᓄᓇᓕᓐᓂᑦ

  • ᑲᓇᑕᐅᑉ ᓯᓚᑖᓃᖔᑐᑦ ᐱᓕᕆᑎᑦᑎᓂᐅᔪᑦ ᑕᑯᓐᓇᑕᐅᖏᑦᑐᖅ ᐊᑦᑕᓇᕈᑎᐅᔪᓐᓇᖅᑐᓂ ᐅᕝᕙᓘᓐᓃᑦ ᐃᓱᒫᓘᑕᐅᖏᑦᑐᖅ ᐅᑭᐅᑕᖅᑐᒥ ᓄᓇᓕᓐᓄᑦ; ᐱᓕᕆᓇᓱᓗᐊᕐᓂᖏᓐᓄᑦ ᐱᔭᐅᔭᕆᐊᖃᑐᐃᓐᓇᖅᑐᓂᑦ (ᓲᕐᓗ, ᐃᓪᓗᓕᕆᓂᖅ, ᓂᕿᓄᑦ ᐊᑦᑕᓇᐃᖅᓯᒪᓂᖅ)
  • ᐃᓱᒪᒋᔭᖃᕆᐊᓖᑦ ᖃᓄᐃᓐᓂᕆᔪᓐᓇᖅᑕᖏᓐᓂᑦ ᐊᑐᕐᓂᐅᔪᓂᑦ ᑲᓇᑕᐅᑉ ᓯᓚᑖᓃᖔᖅᑐᓂᑦ ᐊᑭᑦᑐᔪᓄᑦ ᒪᑭᒪᑎᑦᑎᓂᕐᒧᑦ ᑮᓇᐅᔭᓕᕆᓂᕐᒥᑦ ᐅᑭᐅᑕᖅᑐᒥᑦ ᐊᒻᒪ ᐅᔾᔨᕈᓱᓪᓗᑎ ᑭᓱᑦ ᑲᓇᑕᐅᑉ ᓯᓚᑖᓃᖔᖅᑐᓂᑦ ᐱᓕᕆᑎᑦᑎᔪᑦ ᓴᖅᑭᔮᖅᑎᑦᑎᕙᑦ ᐱᔾᔪᑎᖓ: ᐃᓱᒪᒋᔭᐅᔪᑦ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ
  • ᐱᕕᔅᓴᖅᑕᖃᖅᑐᖅ ᓴᖅᑭᑎᑦᑎᓗᓂ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ, ᖃᐅᔨᒪᓂᐅᔪᑦ ᐃᖏᕋᓯᑎᑕᐅᓂᖏᑦ ᐊᒻᒪ ᖃᐅᔨᓴᖃᑦᑕᐅᑎᓂᖅ ᐊᑯᑭᑦᑐᓂᑦ ᐊᒻᒪ ᓄᓇᕗᑦ

ᐅᑭᐅᖅᑕᖅᑐᒥ ᖃᐅᔨᓴᕐᓂᖅ ᐊᒻᒪ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᑦ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᖃᓄᐃᓕᐅᖅᑎᐅᖃᕈᓐᓇᖅᐸ ᖃᓄᖅᑑᕈᑕᐅᔭᕆᐊᖃᖅᑐᓄᑦ ᐊᑑᑎᖃᑦᑎᐊᕐᓂᖅᓴᐅᔪᓐᓇᖅᑐᓂᒃ ᓄᓇᓕᖕᓄᑦ ᖃᐅᔨᒪᔭᐅᔭᕆᐊᖃᖅᑐᓂᒃ ᐃᑲᔫᑕᐅᔪᓐᓇᕐᓂᖅ?
  2. ᖃᓄᐃᓕᐅᕈᓐᓇᖅᐸᑦ ᐅᑭᐅᖅᑕᖅᑐᒥᐅᑕᐃᑦ ᐃᓚᐅᓂᖅᓴᐅᓕᕈᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥ ᖃᐅᔨᓴᖅᑕᐅᕙᒃᑐᑦ ᐱᔾᔪᑕᐅᓂᖏᓐᓂ ᐊᒻᒪᓗ ᐊᑐᖅᑕᐅᓂᖅᓴᐅᓕᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓱᒪᓕᐅᕈᑕᐅᔭᕆᐊᖃᖅᑐᓂ?
  3. ᖃᓄᐃᑐᓪᓚᕆᖕᓂᒃ ᐱᑕᖃᖅᐸᑦ ᐱᕕᒃᓴᐅᓕᕈᓐᓇᖅᑐᓂᒃ ᐃᓚᒌᒃᓱᕐᕕᐅᓕᕈᓐᓇᖅᑐᓂᒃ ᐊᒻᒪᓗ ᑕᒪᐃᓐᓄᑦ ᑲᑐᔾᔨᖃᑎᒌᒍᑕᐅᓕᕈᓐᓇᖅᑐᑦ ᖃᐅᔨᒋᐊᖅᑕᐅᔪᓐᓇᖅᑐᑦ?

ᐅᖃᖅᓯᒪᓂᖏᑦ

  • ᐅᑭᐅᑕᖅᑐᒥᐅᑕᐃᑦ "ᑐᑭᒧᐊᖅᑎᑦᑎᔭᕆᐊᓖᑦ" ᖃᐅᔨᓴᕐᓂᐅᔪᒥᑦ ᐅᓇᐅᖏᖔᕐᓗᒍ "ᐃᓚᐅᖃᑕᐅᓂᖅ" (ᓲᕐᓗ, ᐅᑭᐅᑕᖅᑐᒥᐅᑕᐃᑦ ᓂᕈᐊᕐᓗᑎ ᐊᖏᖅᓯᓗᑎ ᖃᐅᔨᓴᓂᕐᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᖃᐅᔨᓴᖅᑎᓪᓗᐊᑕᐅᓗᑎ); ᑖᓐᓇ ᐃᑲᔪᖅᑐᐃᔪᖅ ᐃᒻᒥᓂᒃ ᐱᔪᒪᓂᖓᓄᑦ ᐅᑭᐅᑕᖅᑐᒥ
  • ᐅᓇᐅᖏᖔᕐᓗᒍ "ᐃᓚᓕᐅᔾᔨᓂᖅ" ᓄᓴᖃᖅᑳᖅᓯᒪᔪᑦ ᖃᐅᔨᒪᔭᖏᑦ ᖃᐅᔨᓴᓂᕐᒧᑦ, ᐊᔾᔨᒌᑦᑎᑕᐅᔭᕆᐊᓖᑦ ᐊᑐᖅᑕᐅᓂᖏᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᐊᒻᒪ ᖃᐅᔨᓴᖅᑎᓄᑦ
    • ᐃᓚᒋᐊᕐᓗᒍ, ᖃᐅᔨᒪᔭᑐᖃᐅᔪᓂᑦ ᓄᐊᑦᑎᓂᑐᐃᓐᓇᐅᖏᑦᑐᖅ ᖃᐅᔨᒪᓂᐅᔪᓂᑦ, ᑭᓯᐊᓂ ᑕᕐᓂᒃᑯᑦ ᐊᑐᖅᑕᑐᐅᔪᓂᑦ; ᑭᒡᒐᖅᑐᑲᒻᒪᑦᑕᕗᑦ ᑕᑯᓐᓇᕈᑦᑎᒍ ᖃᐅᔨᒪᓂᑐᐃᓐᓇᐅᓗᑎ

ᐱᓕᕆᖃᑎᒌᓐᓂᒃᑯᑦ ᖃᐅᔨᓴᓂᕐᒧᑦ ᐱᓇᓱᐊᖅᑕᐅᔪᑦ

  • ᐱᓕᕆᑎᑦᑎᓂᖅ ᐱᑕᖃᕆᐊᖃᖅᑐᖅ ᐱᓕᕆᖃᑎᒌᓐᓂᒃᑯᑦ ᖃᐅᔨᓴᓂᕐᒥᑦ ᐱᖃᑕᐅᑎᑦᑎᔪᓂᑦ ᓄᓇᖃᖅᑳᖅᓯᒪᔪᓂᑦ, ᓄᓇᓕᒻᒧᑦ ᐊᒻᒪ ᐃᓕᓐᓂᐊᓂᕐᒧᑦ ᖃᐅᔨᒪᓂᐅᔪᑦ
  • ᖃᓪᓗᓈᑦ ᓄᓇᖓᓐᓂ ᖃᐅᔨᓴᖅᑏᑦ ᐃᓕᓐᓂᐊᖅᑎᑕᐅᔭᕿᐊᓖᑦ ᐅᑭᐅᑕᖅᑐᒥ ᐱᖅᑯᓯᖏᓐᓄᑦ, ᐱᖅᑯᓯᑐᖃᖓᓂ, ᓂᕈᐊᖅᑕᐅᓯᒪᔪᑦ ᖃᐅᔨᓴᕐᓂᖃᓚᐅᖅᑎᓐᓇᒋᑦ; ᑕᒪᓐᓇ ᑕᐃᒪᐃᑕᐅᒍᓐᓇᖅᑐᖅ ᐃᓕᓐᓂᐊᑎᑦᑎᓂᒃᑯᑦ ᐃᓕᓐᓂᐊᑎᑦᑎᔨᓂᑦ ᐅᑭᐅᑕᖅᑐᒥ ᐱᓕᕆᖃᑦᑕᖅᓯᒪᓪᓗᓂ
  • ᖃᓪᓗᓈᑦ ᓄᓇᖓᓐᓂ ᖃᐅᔨᓴᕐᓂᐅᔪᑦ ᑕᑯᓐᓇᖅᑕᖏᑦ (ᐅᕝᕙᓘᓐᓃᑦ ᖃᓄᐃᓐᓂᕆᔭᖏᑦ ᖃᓪᓗᓈᑦ ᓄᓇᖓᓐᓂ ᖃᐅᔨᓴᕐᓂᐅᔪᑦ) ᐊᔾᔨᒋᖏᒍᓐᓇᖅᑕᖓ ᐅᑭᐅᑕᖅᑐᒥ ᖃᐅᔨᓴᓂᕐᒧᑦ ᑕᑯᓐᓇᖅᑕᐅᔪᓂᑦ (ᓲᕐᓗ, ᓇᓗᓇᐃᖅᓯᑲᒻᒪᑐᐃᓐᓇᕆᐊᓕᒃ ᐅᑭᐅᑕᖅᑐᒥᐅᑕᓄᑦ ᑕᑯᓐᓇᖅᑕᐅᔪᓂᑦ)
  • ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᕖᑦ (CIHR) ᐱᒋᐊᓚᐅᖅᑐᑦ ᑐᖔᓃᑦᑐᓂᑦ ᑕᓪᓕᒪᓂᑦ ᓄᓇᖃᖅᑳᖅᓯᒪᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᕇᖅᑐᑦ 2002−ᒥᑦ; ᑕᒪᓐᓇ ᖁᕝᕙᕆᐊᖅᓯᒪᔪᖅ 50−ᐳᓴᓐᑎᒋᓗᐊᖅᑕᖏᑦ ᐃᓕᓐᓂᐊᕇᖅᑐᓕᒫᓂᑦ; ᐱᐅᔪᒥᑦ ᐊᓯᔾᔨᕐᓂᖃᕈᓐᓇᖅᑐᖅ ᐊᒻᒪ ᓴᖅᑭᑎᑦᑎᓪᓗᓂ ᖃᐅᔨᓴᓂᕐᒧᑦ ᐊᐱᖅᑯᑎᐅᔪᓂᑦ ᐊᒻᒪ ᐊᑐᖅᑕᐅᔪᓂᑦ

ᐃᓕᓐᓂᐊᕕᓐᓄᑦ ᐊᐳᕈᑎᐅᔪᑦ ᐃᑲᔪᓱᖅᑕᐅᓂᖏᓐᓄᑦ ᐅᑭᐅᑕᖅᑐᒥ ᖃᐅᔨᓴᖅᑏᑦ

  • ᐱᖓᓱᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᐊᑕᐅᓯᕈᖅᑎᑦᑎᓯᒪᔪᑦ ᑮᓇᐅᔭᖃᖅᑎᑦᑎᓂᕐᒧᑦ, ᑲᓇᑕᒥᓕ ᐊᕕᑦᑐᖅᓯᒪᔪᓂᑦ ᓇᒻᒥᓂᖅ ᑮᓇᐅᔭᖃᖅᑎᑎᓪᓗᑎ
  • ᑮᓇᐅᔭᖃᖅᑎᑕᐅᖏᓐᓂᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᓯᓚᑦᑐᓴᕐᕕᒃᔪᐊᒥ ᐱᔭᕇᖅᓯᓯᒪᔪᓂᑦ
  • ᐅᑭᐅᑕᖅᑐᒥ ᖃᐅᔨᓴᓂᕐᒧᑦ ᐃᓕᓐᓂᐊᓂᕐᒧᑦ ᐱᓕᕆᐊᖅ ᑮᓇᐅᔭᖃᖅᑎᑕᐅᓂᐅᔪᖅ ᐱᓕᕆᑎᑦᑎᓂᕐᒧᑐᐊᖅ; ᐱᐅᔪᑦ ᖃᐅᔨᓴᕐᓂᐅᔪᑦ ᐊᑯᓂᐅᓂᖅᓴᓄᑦ ᐱᓕᕆᑎᑦᑎᓗᑎ
  • ᖃᐅᔨᓴᖅᑏᑦ ᐃᓛᓐᓂᒃᑯᑦ "ᐱᓐᖑᐊᖃᑕᐅᔪᖅ ᐱᓐᖑᐊᓂᕐᒥᑦ" ᑮᓇᐅᔭᖃᖅᑎᑕᐅᓪᓗᑎ, ᓲᕐᓗ, ᐱᖃᓯᐅᔾᔨᓂᖅ ᐅᕝᕙᓘᓐᓃᑦ ᐱᓕᕆᖃᑎᖃᕐᓂᖅ ᓄᓇᖃᖅᑳᖅᓯᒪᔪᓂᑦ ᐃᓄᖏᓐᓂᑦ "ᖃᐅᔨᒋᐊᕐᕕᒋᓗᒍ" ᑐᑭᖃᑦᑎᐊᖅᑐᒥᐅᖏᖔᖅᑐᖅ ᑕᐃᒪᐃᓪᓗᓂ
  • ᐱᓕᕆᖃᑎᖃᕐᓂᖅ ᖃᓪᓗᓈᑦ ᓄᓇᖓᓂᑦ ᖃᐅᔨᓴᖅᑎᓂᑦ ᔭᒐᐃᓯᒪᓂᐅᒍᓐᓇᖅᑐᖅ ᐱᕕᔅᓴᐅᔪᓄᑦ ᐊᑭᖏᓐᓄᑦ, ᓲᕐᓗ, ᑮᓇᐅᔭᖃᖅᑎᑕᐅᓂᖓ ᐱᖃᓯᐅᔾᔨᖏᑦᑐᖅ ᐊᐅᓚᑕᐅᓂᖏᓐᓄᓂᑦ ᐊᑭᖏᓐᓄᑦ ᐅᑭᐅᑕᖅᑐᒥᑦ ᐃᓕᓐᓂᐊᕕᓐᓄᑦ, ᐊᑦᑎᓪᓕᒋᐊᖅᑎᑦᑎᔪᖅ ᐱᔪᓐᓇᕐᓂᖏᓐᓄᑦ ᐱᓕᕆᔪᓐᓇᖅᑕᖏᓐᓂᑦ ᐊᒻᒪ ᑮᓇᐅᔭᖃᖅᑎᑕᐅᒃᑲᓂᓂᕐᒧᑦ
  • ᑮᓇᐅᔭᖃᖅᑎᑕᐅᓂᕐᒧᑦ ᐊᑐᖅᑕᐅᔪᑦ ᑐᓐᖓᓂᖃᖅᑐᑦ ᒥᐊᑦᑐᕆᒃᓂᑦ ᑭᒡᒐᖅᑐᐃᑎᐊᖅᐸᖏᑦᑐᑦ ᐅᑭᐅᑕᖅᑐᒧᑦ ᓄᓇᓕᖏᓐᓄᑦ ᐊᒻᒪ/ᐅᕝᕙᓘᓐᓃᑦ ᐱᔭᔅᓴᐅᖏᑦᑐᑦ ᐅᑭᐅᑕᖅᑐᒥᑦ ᐃᓕᓐᓂᐊᕐᕕᓄᑦ

"ᑕᑯᓐᓇᖅᑕᕗᑦ ᓯᕗᒧᐊᑉᐸᓪᓕᐊᓂᕐᒧᑦ 2030−ᒧᑦ, ᓇᒻᒥᓂᖅ ᓇᓗᓇᐃᖅᓯᓗᑕ ᐊᒻᒪ ᖃᐅᔾᔨᐊᓚᓪᓗᒍ ᐱᓪᓚᕆᐅᔪᓂᑦ ᐊᐳᕈᑎᑕᖃᕐᒪᑦ ᐃᓕᓐᓂᐊᕕᓐᓄᑦ ᐋᖅᑭᑦᑕᐅᓯᒪᓕᖅᑐᑦ ᐊᑯᓂᒻᒪᕆᐅᔪᖅ, ᐃᒻᒪᖃ ᑕᑯᓂᐊᕈᓐᓇᖅᑕᕗᑦ ᐊᒻᒪ ᓇᓂᓯᖃᑎᒌᓪᓗᑕ ᐱᐅᓯᑎᒋᐊᕈᑎᖓᓄᑦ" – ᓯᑳᑦ ᓂᑯᔅ, ᐃᓄᐃᑦ ᑕᐱᕇᑦ ᑲᓇᑕᒥ

ᑮᓇᐅᔭᖃᖅᑎᑕᐅᓂᐅᔪᖅ

  • ᑮᓇᐅᔭᖃᖅᑎᑕᐅᓂᐅᔪᖅ ᐅᑭᐅᑕᖅᑐᒥ ᖃᐅᔨᓴᓂᕐᒥᑦ ᑐᑭᒧᐊᖅᑎᑕᐅᓲᑦ ᖃᓪᓗᓈᑦ ᓄᓇᖓᓐᓂᑦ ᐃᓕᓐᓂᐊᕇᖅᓯᒪᔪᓄᑦ ᐃᓕᓐᓂᐊᖅᑎᓄᑦ
  • ᓄᓇᓕᕆᓂᕐᒧᑦ ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᖓ ᓯᕗᓪᓕᐅᔾᔭᐅᒐᔪᑦᑐᖅ ᖁᓛᓂ ᐃᓅᖃᑎᒌᓐᓂᕐᒧᑦ ᖃᐅᔨᓴᓂᕐᒧᑦ ᑮᓇᐅᔭᖃᖅᑎᑕᐅᓂᖓᓄᑦ

ᒪᓕᑦᑕᐅᔭᕆᐊᓕᓐᓄᑦ ᑲᑎᒪᔩᑦ

  • ᒪᓕᑦᑕᐅᔭᕆᐊᓕᓐᓄᑦ ᑲᑎᒪᔩᑦ ᐅᑭᐅᑕᖅᑐᒦᒋᐊᓖᑦ ᐊᒻᒪ ᐱᖃᑕᐅᑎᑦᑎᓗᑎ ᓄᓇᓕᓐᓂᑦ ᒪᓕᑦᑕᐅᔭᕆᐊᓕᓐᓂᑦ ᕿᒥᕐᕈᓂᕐᒥᑦ ᐅᑭᐅᑕᖅᑐᒥᑦ ᐱᓕᕆᐊᓄᑦ
  • ᒪᓕᑦᑕᐅᔭᕆᐊᓕᓐᓄᑦ ᑲᑎᒪᔩᑦ ᒫᓐᓇᐅᔪᒥᑦ ᑭᓪᓕᖃᖅᑎᑕᐅᔪᓂᑦ ᑮᓇᐅᔭᖃᖅᑎᑕᐅᔪᑦ ᐅᕝᕙᓘᓐᓃᑦ ᑮᓇᐅᔭᖃᖅᑎᑕᐅᖏᑦᑐᑦ ᐱᖃᑕᐅᑎᓪᓗᒋᑦ ᓄᓇᓕᐅᔪᑦ ᒪᓕᑦᑕᐅᔭᕆᐊᓐᓄᑦ ᕿᒥᕐᕈᔭᐅᓂᖏᓐᓄᑦ

ᖁᑦᑎᖕᓂᖅᓴᒧᑦ−ᐃᓕᓐᓂᐊᕐᓂᕐᒥ ᐃᓕᓴᔪᑎ

  • ᑭᖑᕙᓯᑦᑐᒍᑦ ᐊᓯᖏᓐᓂᑦ ᐅᑭᐅᑕᖅᑐᒥᑦ ᓄᓇᓕᕐᔪᐊᓂᑦ ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕐᓂᓕᕆᓂᕐᒥᑦ (ᓲᕐᓗ, ᐱᑕᖃᖏᑦᑐᖅ ᑲᓇᑕᒥ ᐅᑭᐅᑕᖅᑐᒥ ᓯᓚᑦᑐᓴᕐᕕᒃᔪᐊᖅ); ᐱᓕᕆᑎᑦᑎᔪᖃᕆᐊᓕ/ᐃᑲᔪᖅᓯᓗᓂ ᐃᓕᓐᓂᐊᕆᐊᒃᑲᓂᓂᕐᒧᑦ ᐃᓕᓐᓂᐊᕐᕕᓂᑦ
  • ᐃᓕᕝᕕᖃᕈᓐᓇᖅᑐᒍᑦ ᐊᓯᖏᓐᓂᑦ ᐅᑭᐅᑕᖅᑐᒥ ᓯᓚᑦᑐᓴᕐᕕᒃᔪᐊᓂᑦ ᐊᑐᖅᑕᐅᔪᓂᑦ ᖃᐅᔨᓴᓂᕐᒧᑦ ᐱᓕᕆᖃᑎᒌᓐᓂᕐᒧᑦ
  • ᓄᓇᖃᖅᑳᖅᓯᒪᔪᑦ ᐱᖃᑕᐅᑎᑕᐅᓂᖏᑦ ᒪᑭᒪᑎᑕᐅᔭᕆᐊᓕᒃ ᐃᓕᓐᓂᐊᕐᓂᓕᕆᓂᒃᑯᑦ ᓯᐊᒻᒪᖅᓯᒪᓂᖅᓴᒥᑦ
  • ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᐅᔪᑦ ᐊᒻᒪ ᓯᓚᕐᔪᐊᑉ ᐃᓄᖏᑦ ᖃᐅᔨᓴᓂᕐᒧᑦ ᑲᑎᒪᔩᑦ (SSHRC) ᐊᒻᒪ/ᐅᕝᕙᓘᓐᓃᑦ ᐊᓯᖏᓐᓂᑦ ᐱᓕᕆᐊᓂᑦ ᑮᓇᐅᔭᖃᖅᑎᑦᑎᔪᓐᓇᖅᑐᑦ ᒪᒃᑯᓂᖅᓴᓂᑦ ᐅᑭᐅᑕᖅᑐᒥ ᐃᓕᓐᓂᐊᖅᑎᓂᑦ ᐃᑲᔪᖅᑕᐅᓗᑎ ᖃᐅᔨᓴᖅᑎᐅᔪᓐᓇᑐᐃᓐᓇᕆᐊᖃᕐᓂᖏᓐᓄᑦ ᓯᕗᓂᔅᓴᒥ

ᓴᐳᓐᓂᐊᖅᑕᐅᓂᖓ ᐊᕙᑎ ᐊᒻᒪᓗ ᓴᐳᓐᓂᐊᖅᑕᐅᓂᖏᑦ ᐅᑭᐅᖅᑕᖅᑐᒥ ᐊᔾᔨᒌᖏᑦᑑᑏᑦ ᐆᒪᔪᐃᑦ

ᐅᖃᖃᑎᒋᒍᑎᓴᓄᑦ ᐊᐱᖅᑯᑎᑦ:

  1. ᖃᓄᖅ ᓄᓇᖃᖅᑳᖅᑐᑦ ᓄᓇᖃᖅᑎᐅᔪᓪᓗ ᖃᐅᔨᒪᓂᕆᔭᖏᑦ/ᐊᑐᖅᓯᒪᓂᑯᒋᔭᖏᓪᓗ ᐊᑐᖅᑕᐅᔪᓐᓇᖅᐸᑦ ᖃᓄᐃᓕᐅᕈᑕᐅᓕᕐᓂᐊᕐᓗᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᔾᔨᒌᙱ?
  2. ᑭᓱᓂᓪᓚᕇᑦ ᐊᑐᖅᑎᑕᐅᔪᓐᓇᖅᐸᑦ ᐱᕕᖃᕐᑎᑦᑎᔾᔪᑕᐅᔪᓐᓇᖅᐸᒃ ᐱᓕᕆᖃᑎᒌᖕᓂᐊᕐᓗᓂ ᖃᓄᐃᓕᐅᖅᑕᐅᑎᑦᑎᖃᑎᒌᖕᓂᐊᕐᓗᓂᓗ?

ᐃᓚᓕᐅᔾᔭᐅᓯᒪᔪᑦ ᓄᓇᓖᑦ ᐊᒻᒪ ᐊᕙᑎᓕᕆᓂᕐᒧᑦ ᐸᕐᓇᐃᓂᖅ

  • ᐱᐅᖅᓱᐊᖅᑐᒍ ᐊᕙᑎ ᐊᒻᒪ ᐊᒥᓱᑦ ᐊᔾᔨᒌᖏᑦᑐᑦ ᐅᒪᔪᑦ, ᐱᐅᓯᑎᑦᑎᒋᐊᐅᕈᓐᓇᕐᒥᔪᑎᑦ ᐅᕝᕙᓘᓐᓃᑦ ᐊᑦᑐᐃᓂᖃᕐᓗᓂ (ᓲᕐᓗ, ᑐᑦᑐᒐᓱᐊᕈᓐᓇᐃᓕᑎᑦᑎᓂᕐᒥᑦ) ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ ᑎᒥᖏᓐᓄᑦ ᐊᒻᒪ ᖃᓄᐃᖏᑎᐊᕐᓂᖏᓐᓄᑦ
  • ᐱᔪᓐᓇᐅᑎᓂᑦ ᑎᒍᒥᐊᖅᑏᑦ ᑐᓴᖅᑎᑕᐅᑦᑎᐊᕆᐊᓖᑦ ᖃᓄᖅ ᐊᐅᓚᑦᑎᔪᒪᒻᒪᖔᑕ ᐆᒪᔪᓂᑦ, ᓲᕐᓗ, ᐃᓱᒪᒋᔭᖃᕐᓗᓂ ᐊᖏᖅᓯᓗᓂ ᓂᕿᔅᓴᓄᑦ ᐊᖑᓇᓱᓐᓂᕐᒧᑦ ᐅᕝᕙᓘᓐᓃᑦ ᖁᕕᐊᓱᒍᑕᐅᔪᓄᑦ ᐊᔪᖏᑕᐅᔪᑦ ᔭᒐᑕᐅᓂᐊᖏᒻᒪᑕ
  • ᓄᓇᓕᒻᒧᑦ ᐊᒻᒪ ᐊᕙᑎᓕᕆᓂᕐᒧᑦ ᐸᕐᓇᐃᓂᖅ ᐊᑐᖅᑕᐅᔭᕆᐊᓕᑦ ᐊᒡᒍᖅᓯᒪᔪᓂᑦ ᐊᒻᒪ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᑦ ᐱᖃᓯᐅᔾᔨᔭᕆᐊᓖᑦ ᐱᓪᓚᕆᐅᔪᓂᑦ

ᓴᐳᒻᒥᔭᐅᔪᑦ

  • ᓱᒻᒪ ᓴᖅᑭᑎᑦᑎᕕᑕ ᓴᐳᒻᒥᔭᐅᕕᓐᓂᑦ − ᑐᓐᖓᓂᖃᖅᑐᑎ ᖃᐅᔨᓴᓂᕐᒧᑦ ᖃᐅᔨᓴᖅᑎᓄᑦ, ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ, ᐅᕝᕙᓘᓐᓃᑦ ᑎᑭᑦᑎᓗᑎ ᑲᔪᖏᖅᑕᐅᓯᒪᔪᓂᑦ?
  • ᐱᐅᔪᖅ ᐆᑦᑑᑕᐅᔪᓐᓇᖅᑐᖅ ᓄᓇᑦᓯᐊᕗᑦ ᒐᕙᒪᒃᑯᖏᓐᓄᑦ−ᑐᑭᒧᐊᖅᑎᑕᐅᔪᖅ ᐃᒪᕐᓂᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ ᓴᐳᒻᒥᑦᑎᔪᖅ ᐊᒥᓱᓂᑦ ᐊᔾᔨᒌᖏᑦᑐᓂᑦ ᐆᒪᔪᓂᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐱᕕᔅᓴᖅᑕᖃᖅᑐᓂ(ᓲᕐᓗ, ᐃᖃᓗᓕᕆᓂᖅ)
    • ᐃᒪᕐᓂᑦ ᐊᐅᓚᑦᑎᓂᕐᒧᑦ ᐸᕐᓇᐅᑦ ᓴᖅᑭᖅᑎᑕᐅᕙᓪᓕᐊᔪᖅ ᐱᓕᕆᖃᑎᖃᖅᑐᑎᑦ "ᓯᓚᑖᓃᖔᖅᑐᑦ ᐱᓕᕆᖃᑎᖏᑦ ᐱᓕᕆᔪᑦ" ᐊᔾᔨᒌᖏᑦᑐᒐᓚᓐᓂᓪᓗ ᒐᕙᒪᑐᖃᒃᑯᑦ ᐱᓕᕆᕕᖏᓐᓂ ᑭᒡᒐᖅᑐᐃᔩᑦ
    • ᓄᓇᑦᓯᐊᕗᑦ ᒐᕙᒪᒃᑯᖏᑦ ᐱᓕᕆᓂᖃᕈᒪᒻᒥᔪᑦ ᓴᖅᑭᑎᑦᑎᓗᑎ ᐊᐅᓚᑦᑎᖃᑎᒌᓐᓂᕐᒧᑦ ᐊᖏᕈᒻᒥᑦ ᓯᓚᕐᔪᐊᒥᑦ ᐃᒪᖏᓐᓄᑦ ᖃᓂᒋᔭᖏᓐᓃᑦᑐᓄᑦ ᓄᓇᓄᑦ
  • ᐊᑐᖅᑕᐅᔪᓐᓇᖅᑐᖅ ᐊᐅᓚᑦᑎᐅᔪᖅ ᐊᑐᖅᑕᐅᓂᖓᓄᑦ ᓴᐳᒻᒥᔭᐅᔪᑦ ᐊᑐᖅᑕᐅᔭᕆᐊᓖᑦ ᑐᓐᖓᕕᖃᕆᐊᖃᖅᑐᓂᑦ ᑕᒪᒃᑭᓐᓄ ᖃᐅᔨᓴᓂᕐᒧᑦ ᐊᒻᒪ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᓐᓄᑦ
    • ᑮᓇᐅᔭᖃᖅᑎᑦᑎᓂᐅᔪᖅ ᐃᑲᔪᖅᑐᐃᔭᕆᐊᓕᒃ ᓄᓇᓕᓐᓄᑦ ᑲᑎᓐᓂᐅᔪᓂᑦ ᐊᒻᒪ ᐊᐅᓚᑕᐅᓂᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᖏᑦ

ᑐᑭᓯᒋᐊᕈᑏᑦ ᐊᐅᓚᑕᐅᓂᖏᑦ

  • ᓄᓇᓖᑦ ᓇᓗᓇᐃᖅᓯᔭᕆᐊᓖᑦ ᖃᐅᔨᓴᓂᕐᒧᑦ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐊᒻᒪ ᐱᖃᑕᐅᓗᑎᑦ ᑲᑎᓐᓂᐅᔪᓂᑦ, ᖃᐅᔨᓴᐃᓂᕐᒥᑦ, ᑐᖅᑯᐃᓂᕐᒥᑦ ᐊᒻᒪ ᐊᑐᖅᑕᐅᓂᖏᑦ ᖃᐅᔨᓴᖅᑎᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᑐᑭᓯᒋᐊᕈᑏᑦ
    • ᓇᑉᐸᕆᐊᓕᑦ ᐊᒻᒪ ᑮᓇᐅᔭᖃᖅᑎᑕᐅᓂᖅ ᑕᒪᑐᒥᖓ ᐃᑲᔪᖅᑐᐃᒋᐊᓕᒃ
    • ᑖᒃᑯᐊ ᑐᑭᓯᒋᐊᕈᑏᑦ ᐊᑐᖅᑕᐅᔭᕆᐊᓖᑦ ᐊᑐᖅᑕᐅᓗᑎ ᐱᐅᖅᓱᐊᓂᕐᒧᑦ ᐸᕐᓇᐅᑎᓂᑦ ᐊᒻᒪ ᐊᐅᓚᑦᑎᓂᕐᒧᑦ
  • ᐊᖏᔪᒥᑦ ᑐᑭᓯᓂᕐᓗᑦᑕᐅᓯᒪᔪᖅ ᖃᓄᖅ ᖃᐅᔨᒪᔭᑐᖃᐅᔪᑦ ᑕᑯᓐᓇᖅᑕᐅᒋᐊᖃᕐᓂᖏᓐᓄᑦ, ᖃᐅᔨᓴᖅᑕᐅᓂᖓ ᐊᒻᒪ ᐊᑐᖅᑕᐅᓂᖓ; ᒫᓐᓇᐅᔪᒥᑦ ᐃᖅᑲᓇᐃᔮᖑᔪᖅᑕᖃᖅᑐᖅ ᐊᖏᓪᓕᒋᐊᖅᑕᐅᔪᓐᓇᖅᑐᖅ, ᓲᕐᓗ, ᐳᕆᐊᓐᑕ ᐹᕐᓕᐅᑉ 2014 ᐸᐃᑉᐹᖏᑦ "ᐊᑐᖅᑕᐅᓂᖏᑦ ᖃᐅᔨᒪᔭᑐᖃᐅᔪᑦ ᐊᑐᑎᕈᓐᓇᕐᓗᑎ ᐊᕙᑎᖓᓄᑦ ᐊᓯᔾᔨᖅᑐᒥᑦ: ᑎᐊᓇᐃᓱᓚᐃᓐ ᖃᐅᔨᓴᖅᑕᐅᓂᖏᑦ ᑐᑦᑐᐃᑦ ᓇᒧᖓᖃᑦᑕᕐᓂᖏᓐᓄᑦ"
  • ᐅᑭᐅᑕᖅᑐᒥ ᓯᓚᑦᑐᓴᕐᕖᑦ (ᒪᓕᑦᑐᒍ ᖃᐅᔨᓴᓂᕐᒧᑦ ᓚᐃᓴᓐᓯᖃᖅᑎᑕᐅᓂᕐᒧᑦ ᒪᓕᑦᑕᐅᔭᕆᐊᓖᑦ ᐊᑦᑐᓂ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ) ᐊᒻᒪ ᐃᓚᖏᑦ ᓄᓇᑖᖅᓯᒪᔪᑦ ᐊᐅᓚᑕᐅᓂᖓ ᑐᑭᓯᒋᐊᕈᑏᑦ, ᑭᓯᐊᓂ ᐱᓯᒪᑦᑎᖏᑦᑐᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐊᒻᒪ ᑕᐃᒪᓘᕈᓐᓇᕋᓗᐊᖅᑐᑎ

ᓴᐳᒻᒥᔭᐅᓂᖓ ᐊᕙᑎᓕᒫᖅ

  • ᑮᓇᐅᔭᖃᖅᑎᑕᐅᓂᐅᔪᑦ ᐊᒻᒪ ᖃᐅᔨᓴᕐᓂᐅᔪᑦ ᑐᕌᖓᓂᖃᓗᐊᖅᑐᑦ ᐅᒪᔪᓄᑦ (ᓲᕐᓗ, ᓇᓄᐃᑦ, ᑐᑦᑐᐃᑦ, ᐊᓯᖏᓪᓗ) ᑭᓯᐊᓂ ᑕᑯᓐᓇᕆᐊᖃᖅᑕᕗᑦ ᐊᕙᑎᓕᒫᖅ ᓲᕐᓗ, ᐅᑎᖅᑕᖃᑦᑕᖅᑐᑦ ᑎᒻᒥᐊᑦ, ᐊᑎᓂᖅᓴᖅ "ᐱᔪᒥᓇᖏᓐᓂᖅᓴᖅ" ᐅᖃᐅᓯᐅᔪᑦ
  • ᐱᐅᖅᓱᐊᕋᓱᐊᕐᓂᐅᔪᑦ ᐱᖃᓯᐅᔾᔨᔭᕆᐊᓖᑦ ᖁᓕᕇᖃᑦᑕᐅᑎᓂᖏᑦ ᑭᓪᓕᖏᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ, ᓄᓇᑖᕈᑎᓂᑦ, ᑲᓇᑕᐅᑉ ᑭᓪᓕᖏᑦ, ᐊᓯᖏᓪᓗ. (ᓲᕐᓗ, ᐅᑎᖅᑕᖃᑦᑕᖅᑐᑦ ᑎᒻᒥᐊᑦ, ᑐᑦᑐᐃᑦ, ᐊᑦᑐᖅᑕᐅᔪᑦ ᐅᒥᐊᕐᔪᐊᖃᕐᓂᖓᓄᑦ, ᐊᓯᖏᓪᓗ)
    • ᐆᑦᑑᑎᒋᓗᒍ, ᐃᓄᐃᑦ ᓯᓚᕐᔪᐊᒥ ᑲᑎᒪᔨᖏᑦ ᓴᖅᑭᑎᑦᑎᓚᐅᖅᑐᑦ ᖁᓕᕇᖃᑦᑕᐅᑎᔪᓂᑦ ᑭᓪᓕᖏᓐᓂᑦ ᖃᐅᔨᓴᖅᑐᑎ ᐅᑭᐅᑕᖅᑐᒥ ᐃᒪᖓᓂ ᓯᓈᖓ (ᐃᓚᒋᔭᐅᔪᖅ ᐊᒥᓲᓛᓄᑦ ᐃᒪᕐᒥᐅᑕᓄᑦ ᐆᒪᔪᓄᑦ ᐊᔾᔨᒌᖏᑦᑑᑎᓄᑦ) ᐊᒻᒪ ᐊᔭᐅᖅᓯᒋᐊᕐᓗᓂ ᐃᓄᐃᑦ−ᐊᐅᓚᑦᑎᖃᑎᒌᑦᑐᑦ (ᐊᑯᑭᑦᑐᑦ ᐊᒻᒪ ᑲᓇᑕ)

ᑐᑭᓯᔭᐅᓂᖓ ᐊᑕᐅᓯᐅᓪᓗᓂ ᐊᑦᑐᖅᑕᐅᔪᑦ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᑦ

  • ᐅᔭᕋᓐᓂᐊᓂᕐᒧᑦ ᐱᓕᕆᐊᖅ ᑕᑯᔅᓴᐅᒍᓐᓇᖅᑐᖅ ᐃᑲᔪᖅᑎᑦᑎᓂᖅᓴᐅᓪᓗᓂ ᑮᓇᐅᔭᓕᕆᓂᑦᑎᒍᑦ ᓴᓂᐊᓂ ᐃᖃᓗᓕᕆᓂᕐᒥᑦ, ᐳᓚᕋᖅᑐᓕᕆᓂᕐᒥᑦ, ᐅᕝᕙᓘᓐᓃᑦ ᐊᖑᓇᓱᓐᓂᕐᒥᑦ, ᑭᓯᐊᓂ ᑕᒪᓐᓇ ᑐᓐᖓᕕᖃᖅᑐᖅᑦ ᖃᓄᖅ ᓇᓗᓇᐃᕐᒪᖔᖅᐱᐅᒃ "ᐃᑲᔫᑏᑦ"
    • ᓲᕐᓗ, ᐳᕆᑎᔅ ᑲᓚᒻᐱᐊ ᐱᒻᒪᕆᖃᕈᓐᓇᖅᑐᖅ ᐳᓚᕋᖅᑐᓕᕆᓂᕐᒥᑦ ᐊᒻᒪ ᐃᓪᓗᓕᕆᓂᕐᒥᑦ (ᓲᕐᓗ, ᐱᐅᓂᖓᓄᑦ ᐊᕙᑎᖓ), ᐅᖓᑕᐅᔾᔨᒍᓐᓇᖅᑐᑦ ᑮᓇᐅᔭᓕᕆᓂᕆᔭᖓ ᓴᓂᐊᓂ ᓱᓪᓗᓖᑦ ᓴᖅᑮᒍᓐᓇᖅᑕᖏᓐᓂᑦ
  • ᐱᖁᑎᓄᑦ−ᑐᓐᖓᕕᖃᖅᑐᑦ (ᑮᓇᐅᔭᓕᕆᓂᖅ) ᐸᕐᓇᐃᓂᖅ ᐊᑐᖅᑕᐅᕙᑦᑐᖅ ᐃᓚᖏᓐᓄᑦ ᓄᓇᓕᓐᓄᑦ ᔫᑳᓐᒥ ᐊᑑᑎᖃᕈᓐᓇᖅᑐᖅ ᖃᐅᔨᓴᕐᓗᒍ

ᐅᑭᐅᖅᑕᖅᑐᖅ ᓄᓇᕐᔪᐊᕐᒧᑦ ᖃᓄᐃᓕᖓᔫᓂᕆᔭᖓ

ᐅᖃᖃᑎᒌᒍᑎᒃᓴᓄᑦ ᐊᐱᖁᑎᑦ:

  1. ᑭᓱᓂᒃ ᓄᓇᒥᖕᓄᑦ ᑲᓇᑕᐅᑉ ᒐᕙᒪᖓ ᓄᓇᖁᑎᒋᔭᕐᒥᓅᖓᔪᓂᒃ ᓯᕗᓪᓕᐅᔾᔨᓯᒪᔭᕆᐊᖃᖅᐸᑦ ᓄᓇᕐᔪᐊᕐᒥᐅᖑᖃᑎᒌᓄᑦ?
  2. ᖃᓄᐃᑦᑐᓂᒃ ᐃᓱᒪᒋᔭᖃᖅᐱᑦ ᐱᒻᒪᕆᐅᓂᖅᐹᖑᔪᓂᒃ ᐊᔪᕈᑕᐅᔪᓂᒃ ᐊᒻᒪᓗ ᐱᕕᒃᓴᐅᔪᓐᓇᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᓂᖓᓂ ᐊᓯᖏᓐᓄᑦ ᓄᓇᓕᒡᔪᐊᕐᓄᑦ ᐊᒻᒪᓗ ᓴᐳᓐᓂᐊᖅᑕᐅᔭᕆᐊᖃᓂᖓᓄᑦ ᐊᑐᒐᕆᔭᐅᔭᕆᐊᖃᕐᓂᐊᖅᑐᓂᒃ ᖁᓕᐅᓂᐊᖅᑐᓂᒃ ᐊᕙᑎᓕᓂᒡᓗ 10-20-ᓂᒡᓗ ᐊᕐᕋᒍᓂᐊᖅᑐᓂᒃ?

ᓯᕗᓂᐊᒍᑦ ᐸᕐᓇᓯᒪᓂᖅ ᓯᕗᓂᔅᓴᒧᑦ ᐊᓯᔾᔨᕐᓂᐅᔪᓄᑦ

  • ᐊᔅᓱᕈᓐᓇᖅᑐᖅ ᓯᕗᓂᐊᒍᑦ ᐸᕐᓇᓯᒪᓪᓗᓂ ᐊᒻᒪ ᑲᒪᒋᔪᒥᓇᕆᓪᓗᒍ, ᐱᒡᒐᓇᕐᓂᖓᓄᑦ ᐊᐅᓚᑕᐅᓂᖓᓄᑦ ᓴᓇᓯᒪᔪᑦ ᐅᑭᐅᑕᖅᑐᒥᑦ
  • ᐅᑭᐅᑕᖅᑐᒥᑦ ᓯᓚᑦᑐᓴᕐᕖᑦ ᐃᓕᓯᒪᑦᑎᐊᖅᑐᑦ ᐃᑲᔪᖅᑐᐃᓗᑎ ᓯᕗᓂᐊᒍᑦ ᐸᕐᓇᓯᒪᓂᕐᒥᑦ ᐱᔪᒥᓇᖅᑐᓂᑦ ᐸᕐᓇᐅᑎᓂᑦ ᐅᑭᐅᑕᖅᑐᒧᑦ, ᐱᕕᔅᓴᖃᕐᓂᓴᐅᒻᒪᑕ ᐊᒻᒪ ᐊᖏᓂᖓᓄᑦ ᓴᓂᐊᓂ ᒐᕙᒪᒃᑯᑦ
  • ᐃᓚᐅᖃᑕᐅᔪᑦ ᓇᓗᓇᐃᖅᓯᓚᐅᖅᑐᑦ ᐊᒥᓱᒐᓚᓐᓂᑦ ᐃᓱᒪᒋᔭᐅᔪᓂᑦ ᓯᕗᓂᐊᒍᑦ ᐸᕐᓇᐃᓯᒪᔭᕆᐊᖃᓂᐊᖅᑐᑦ ᑎᑭᓚᐅᖅᑎᓐᓇᒍ 2030:
    • ᓱᑲᑦᑐᒥᑦ ᓯᓚᐅᑉ ᐊᓯᔾᔨᕐᓂᖓ, ᐊᑦᑐᐃᓂᖃᕈᓐᓇᖅᑐᖅ ᐊᕙᑎᖓᓂᑦ, ᓄᓇᖃᖅᑳᖅᓯᒪᔪᓄᑦ ᓂᕿᖏᑦ ᐱᔭᔅᓴᐅᓂᖏᑦ, ᐅᒥᐅᕐᔪᐊᓄᑦ ᐊᖅᑯᑏᑦ, ᐊᓯᖏᓪᓗ.
    • ᐃᓄᒋᐊᔅᓯᑳᓪᓚᓐᓂᖓ ᐅᑭᐅᑕᖅᑐᒥ, ᐱᓕᕆᐊᖃᖅᑎᑦᑎᔭᕆᐊᓕᒃ ᑐᐊᕕᕐᓇᖅᑐᒥᑦ
    • ᐊᓯᔾᔨᐸᓪᓕᐊᖏᓐᓇᖅᑐᑦ ᓂᕈᐊᖅᑕᐅᓯᒪᔪᑦ, ᓲᕐᓗ, ᓴᐃᓃᓯᒃᑯᑦ ᐊᒻᒪ ᐅᓛᓵᒃᑯᑦ ᐅᒥᐊᕐᔪᐊᓕᕆᓂᕐᒥᑦ ᐅᑭᐅᑕᑐᒥᑦ

ᑐᐊᕕᕐᓇᖅᑐᓕᕆᓂᕐᒧᑦ ᐱᓕᕆᐊᖃᕈᓐᓇᕐᓂᖅ

  • ᖃᐅᔨᒪᔭᐅᖏᑐᖅᑕᖃᖅᑐᖅ ᑐᐊᕕᕐᓇᖅᑐᓕᕆᓂᕐᒧᑦ ᖃᓄᐃᓕᓯᒋᐊᓂᕐᒧᑦ ᐊᒻᒪ ᖃᐅᔨᓴᓂᕐᒧᑦ ᐱᔨᑦᑎᖅᑕᐅᔪᓂᑦ, ᓯᑯᓯᐅᑎᒃᑯᑦ ᓇᔪᖅᓯᒻᒪᑕ ᐃᖃᓗᓐᓂ
  • ᐊᒥᓱᑦ ᐃᓚᐅᖃᑕᐅᔪᑦ ᐊᖏᓚᐅᖅᑐᑦ ᐱᑕᖃᕆᐊᖃᕐᓂᖓᓄᑦ ᐱᓕᕆᑎᑦᑎᓂᕐᒥᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᓕᕆᐊᖃᕈᓐᓇᕐᓂᖅ, ᐃᓚᒋᓗᓂᐅᒃ ᐊᑐᓕᖅᑎᑕᐅᓂᖓ ᑲᔪᖏᖅᑕᐅᓯᒪᔪᑦ ᓇᓗᓇᐃᔭᖅᓯᒪᔪᑦ ᐅᑭᐅᑕᖅᑐᒥᑦ ᑲᑎᒪᔩᑦ ᐊᖏᕈᑦ ᐱᓕᕆᖃᑎᒌᓐᓂᕐᒧᑦ ᐃᒪᕐᒥ ᐅᖅᓱᐊᓗᒻᒥ ᑯᕕᔪᖃᖅᑎᓪᓗᒍ ᐸᕐᓇᓯᒪᓂᕐᒧᑦ ᐊᒻᒪ ᖃᓄᐃᓕᓯᒋᐊᓂᕐᒧᑦ ᐅᑭᐅᑕᖅᑐᒥᑦ, ᐱᓗᐊᖅᑐᒥᑦ ᐅᒥᐊᕐᔪᐊᖃᓕᖅᐸᓪᓕᐊᓂᐊᖅᑐᒋᔭᐅᓂᖓᓄᑦ ᖁᑦᑎᑐᒃᑯᑦ ᐃᑳᕐᕕᒃᑯᑦ
  • ᐃᓕᓐᓂᐊᕐᕕᓂᑦ ᐊᒻᒪ ᒐᕙᒪᒃᑯᑦ ᐊᓪᓚᕕᖏᑦ ᐱᓕᕆᖃᑎᖃᕈᓐᓇᖅᑐᑦ ᓄᐊᑦᑎᓗᑎ ᑐᑭᓯᒋᐊᕈᑎᓂᑦ ᐃᑲᔪᖅᑐᐃᔪᓂᑦ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᓂᖏᓐᓄᑦ

ᓇᑉᐸᕆᐊᓕᓄᑦ ᐱᑕᖃᖏᓐᓂᐅᔪᑦ

  • ᑐᓚᑦᑕᕐᕕᒃ ᑰᔾᔪᐊᒥᑦ ᑐᓚᑦᑕᕐᕕᓱᐊᖑᔪᖅ ᐅᑭᐅᑕᖅᑐᒥ ᐃᒪᖏᓐᓂ ᐊᒻᒪ ᒫᓐᓇ ᒪᑐᓯᒪᔪᖅ ᐱᓕᕆᑎᑦᑎᔪᖃᖏᓐᓂᖓᓄᑦ
  • ᐱᕕᔅᓴᖅᑕᖃᕈᓐᓇᖅᑐᖅ ᓴᐃᓃᓯᒃᑯᑦ−ᑲᓇᑕᒥᐅᑕᐃᑦ ᐱᓕᕆᖃᑎᒌᓐᓂᖏᓐᓄᑦ ᐊᒻᒪ ᐱᓕᕆᑎᑦᑎᓂᕐᒧᑦ ᐅᑭᐅᑕᖅᑐᒥ ᓇᑉᐸᕆᐊᓕᓄᑦ
  • ᐅᓇᑕᖅᑐᓕᕆᔨᒃᑯᓐᓄᑦ ᖁᒻᒧᐊᑦᑎᑕᐅᓯᒪᔪᑦ ᐅᑭᐅᑕᖅᑐᒧᑦ ᖁᓛᓄᑦ ᐊᑐᖅᑕᐅᔪᓐᓇᖅᑐᑦ ᖃᕋᓴᐅᔭᒃᑰᕈᑎᐅᓗᑎ ᐊᒻᒪ ᓯᓚᖓᓄᑦ ᒥᔅᓴᐅᓴᒍᓐᓇᓂᕐᒧᑦ ᑲᓇᑕᒥ ᐅᑭᐅᑕᖅᑐᒥᑦ

ᐱᓕᕆᑎᑦᑎᓂᖅ ᐊᒻᒪ ᓴᖅᑭᔮᖅᑎᑦᑎᓂᖅ ᐃᓕᓐᓂᐊᕐᓂᓕᕆᓂᕐᒥᑦ ᐊᒻᒪ ᖃᐅᔨᓴᓂᕐᒥᑦ

  • ᑮᓇᐅᔭᖃᖅᑎᑕᐅᖏᓗᐊᖅᑐᑦ ᐱᓇᓱᐊᕐᓗᒍ ᐱᓕᕆᖃᑎᒌᓐᓂᒃᑯᑦ ᐃᓅᖃᑎᒌᓐᓂᕐᒧᑦ ᖃᐅᔨᓴᓂᕐᒧᑦ ᖃᐅᔨᓴᕐᓂᐅᔪᒥᑦ ᐊᓯᖏᓐᓂᑦ ᐅᑭᐅᑕᖅᑐᒥ ᓄᓇᓕᕐᔪᐊᓂᑦ (ᓲᕐᓗ, ᑲᑎᒪᖃᑕᐅᖃᑦᑕᕐᓂᖅ ᓯᓚᕐᔪᐊᒥᐅᑦ ᑲᑎᒪᑎᓪᓗᒋᑦ)
  • ᑲᓇᑕ ᐊᑐᐃᓐᓇᖃᑦᑕᖏᑦᑐᖅ ᓄᑖᖑᓛᖑᔪᓂᑦ ᖃᐅᔨᓴᕐᓂᐅᔪᓂᑦ ᐊᒻᒪ ᐃᖅᑲᓇᐃᔭᐅᑎᓂᑦ ᖃᐅᔨᔭᐅᔪᓂᑦ (ᓲᕐᓗ, ᐃᑎᕈᒃᑯᑦ ᖃᐅᔨᓴᕈᑎᐅᔪᖅ ᓴᓇᔭᐅᓯᒪᔪᖅ ᒥᐊᒐᒃᑯᓐᓂᑦ ᖃᐅᔨᒍᓐᓇᖅᑐᖅ ᐳᕙᓪᓗᑦᑐᒥᑦ ᐃᑲᕋᓂᑦ 12−ᓂᑦ)
  • ᑲᔪᓯᑎᑕᐅᓂᖓ ᐱᓕᕆᑎᑦᑎᓂᕐᒧᑦ ᐅᑭᐅᑕᖅᑐᒥ ᓯᓚᑦᑐᓴᕐᕕᓂᑦ ᐊᒻᒪ ᖃᐅᔨᓴᕐᕕᓂᑦ ᐱᑕᖃᕆᐊᖃᖅᑐᑦ, ᖃᐅᔨᒪᓂᐅᔪᓂᑦ ᐃᖏᕋᓯᑎᑦᑎᒐᔭᖅᑐᖅ ᐱᖓᓱᓂᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ
    • ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᐅᔪᑦ, ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᐅᔪᑦ ᑮᓇᐅᔭᖃᖅᑎᑕᐅᑦᑎᐊᖏᓐᓂᖅᓴᐅᓲᑦ ᓴᓂᐊᓂ ᑕᑯᔅᓴᓪᓚᕆᐅᔪᓂᑦ ᖃᐅᔨᓴᕐᓂᐅᔪᓂᑦ
  • ᑲᓇᑕ ᓴᖅᑭᔮᖅᑎᑎᑦᑎᐊᓂᖅᓴᐅᔭᕆᐊᓕᒃ ᐅᑭᐅᑕᖅᑐᒥᑦ ᓯᓚᕐᔪᐊᒥᑦ ᖃᓄᐃᓘᖅᑕᐅᔪᓂᑦ (ᓲᕐᓗ, ᑲᓇᑕ ᐅᓇᐅᔪᖅ "ᐃᓱᒪᒋᔭᐅᔪᓂᑦ ᓄᓇᓕᕐᔪᐊᖅ" ᓯᓚᕐᔪᐊᒥᑦ ᐊᖏᓛᓂᑦ ᐅᖃᓕᒫᒐᕐᓂᑦ ᑕᑯᔅᓴᐅᑎᑦᑎᓂᕐᒥᑦ ᕗᕌᓐᒃᕘᑦᒥ, ᑲᓇᑕᒥᓕ ᐅᑭᐅᑕᖅᑐᒥ ᐅᖃᓕᒫᕈᓐᓇᓂᕐᒧᑦ ᑎᑎᕋᕈᓐᓇᓂᕐᒧᑦ ᓴᖅᑭᔮᖅᑎᑕᐅᔭᕆᐊᖃᖅᑐᓂ)
  • ᐊᒥᓲᓂᖅᓴᐃᑦ ᖃᐅᔨᓴᕐᓂᐅᔪᑦ ᐅᑭᐅᑕᖅᑐᒥ ᐊᒥᓱᒐᓚᐅᓲᑦ (ᓲᕐᓗ, ᐱᖃᓯᐅᔾᔨᔪᖅ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ, ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᐅᔪᓂᑦ ᐊᒻᒪ ᓄᓇᒦᖔᖅᑐᓂᑦ ᖃᐅᔨᓴᕐᓂᐅᔪᓂᑦ) ᐊᒻᒪ ᐱᓕᕆᖃᑎᒌᖃᑎᖃᖅᑐᑎ (ᓲᕐᓗ. ᐅᑭᐅᑕᖅᑐᒥ ᓯᓚᑦᑐᓴᕐᕖᑦ ᐊᒻᒪ ᖃᓪᓗᓈᑦ ᓄᓇᖓᓐᓂ ᓯᓚᑦᑐᓴᕐᕕᒃᔪᐊᑦ) ᐊᒻᒪ ᑮᓇᐅᔭᖃᖅᑎᑕᐅᓂᐅᔪᑦ ᑖᒃᑯᓂᖓ ᐃᑲᔪᖅᑐᐃᔭᕆᐊᓖᑦ ᐱᓪᓚᕆᐅᔪᓂᑦ
    • ᐃᓱᒪᒋᔭᖃᕆᐊᓖᑦ ᑲᑎᑦᑎᑦᓗᑎ ᓄᓇᒦᖔᖅᑐᓂᑦ ᖃᐅᔨᓴᕐᓂᐅᔪᓂᑦ ᐊᒻᒪ ᓴᓇᓯᒪᔪᓕᕆᓂᕐᒧᑦ ᖃᐅᔨᓴᓂᕐᒧᑦ ᑲᑎᒪᔩᑦ ᐊᒻᒪ ᐃᓅᖃᑎᒌᓐᓂᕐᒧᑦ ᖃᐅᔨᓴᕐᓂᐅᔪᑦ ᐊᒻᒪ ᓯᓚᕐᔪᐊᑉ ᐃᓄᖏᑦ ᖃᐅᔨᓴᓂᕐᒧᑦ ᑲᑎᒪᔩᑦ (SSHRC)

ᑐᑭᓯᒋᐊᕈᑏᑦ ᐊᐅᓚᑕᐅᓂᖏᑦ

  • ᐱᑕᖃᕆᐊᖃᖅᑐᖅ ᕿᑎᖓᓃᑦᑐᒥᑦ ᑎᒥᐅᔪᒥᑦ ᐊᐅᓚᑦᑎᓗᓂ ᐊᒻᒪ ᐊᐅᓚᑕᐅᓗᑎ ᑐᑭᓯᒋᐊᕈᑏᑦ ᐊᒻᒪ ᑐᑭᓯᒋᐊᕈᑏᑦ ᐅᑭᐅᑕᖅᑐᒥᑦ; ᒫᓐᓇᐅᔪᒥᑦ ᑖᒃᑯᐊ ᑐᑭᓯᒋᐊᕈᑏᑦ ᑎᒍᒥᐊᖅᑕᐅᔪᑦ ᐊᔾᔨᒌᖏᑦᑐᓄᑦ ᒐᕙᒪᓄᑦ ᐱᓕᕆᕕᖏᓐᓄᑦ ᐊᒻᒪ ᐃᓕᓐᓂᐊᕐᕕᓄᑦ
    • ᐆᑦᑑᑎᒋᓗᒍ, ᒥᐊᓕᒐᒃᑯᓐᓂᑦ ᑐᑭᓯᒋᐊᕈᑏᑦ ᐱᔭᔅᓴᐅᓂᖅᓴᐅᔪᑦ ᓴᓂᐊᓂ ᑲᓇᑕᒥ ᑐᑯᑭᓯᒋᐊᕈᑎᖏᓐᓂᑦ
    • ᐃᓕᕝᕕᒋᔪᓐᓇᖅᑕᕗᑦ ᐃᖏᕋᔪᓕᕆᓂᕐᒧᑦ ᐊᑦᑕᓇᐃᖅᓯᒪᓂᕐᒧᑦ ᑲᑎᒪᔩᑦ, ᖃᕋᓴᐅᔭᒃᑯᑦ ᓴᖅᑭᖅᑎᓯᒪᔭᖏᑦ
  • ᑐᑭᓯᒋᐊᕈᑏᑦ ᐊᐅᓚᑕᐅᓂᖏᑦ ᐃᑲᔪᓱᖅᑕᐅᔭᕆᐊᓖᑦ ᑲᓱᖅᓯᒪᖃᑕᐅᓂᒃᑯᑦ ᐊᒻᒪ ᑐᑭᓯᒋᐊᕈᑎᓄᑦ ᐃᖅᑲᓇᐃᔭᐅᑎᓄᑦ ᓇᑉᐸᕆᐊᓕᖅ
  • ᑐᑭᓯᒋᐊᕈᑏᑦ ᐊᐅᓚᑕᐅᓂᖏᑦ ᐱᐅᓂᖅᓴᓂᑦ ᐋᖅᑭᒍᑎᖃᖅᑎᑦᑎᔪᓐᓇᖅᑐᑦ ᐅᑭᐅᑕᖅᑐᒥ ᐊᔅᓱᕈᕈᑕᐅᔪᓂᑦ ᐊᒻᒪ ᓴᑲᑎᓐᖓᓂᖃᖅᑐᑦ ᐃᓱᒪᒋᔭᐅᔪᓕᒫᓄᑦ ᐅᓪᓗᒥ ᐅᖃᐅᓯᐅᔪᓂᑦ

ᑲᓇᑕᒥ ᐊᒻᒪ ᓯᓚᕐᔪᐊᒥ ᐱᕙᓪᓕᐊᑎᑦᑎᓂᕐᒧᑦ ᐃᓚᖃᕐᓂᖏᑦ

  • ᐃᓚᖏᓐᓂᑦ ᐅᖃᐅᓯᖃᓚᐅᖅᑐᑦ ᑲᓇᑕ ᓇᒻᒥᓂᖅ "ᓇᒻᒥᓂᖅ ᐋᖅᑭᔅᓯᓗᓂ ᑎᓕᓯᔾᔪᒻᒥᑦ" ᐱᖃᑕᐅᓚᐅᖅᑎᓐᓇᒍ ᐅᕝᕙᓘᓐᓃᑦ ᑐᑭᒧᐊᖅᑎᑦᑎᓗᓂ ᓯᓚᕐᔪᐊᒥ ᑕᑯᓐᓇᖅᑕᐅᔪᓂᑦ; ᓇᓗᓇᐃᖅᑕᐅᓚᐅᖅᑐᖅ ᑲᓇᑕᒥ ᐊᒻᒪ ᓯᓚᕐᔪᐊᒥᑦ ᐱᓇᓱᐊᖅᑕᐅᔪᑦ ᓴᖅᑭᕆᐊᓖᑦ ᓇᓕᒧᓐᓂᖃᕐᓗᑎ, ᓇᓗᓇᐃᖅᓯᓯᓐᓈᖅᑐᑎ ᐱᓕᕆᐊᖃᕐᓂᖅ ᑲᓇᑕᒥ ᐊᔅᓱᕈᕈᑕᐅᔪᑦ (ᓲᕐᓗ, ᐃᒻᒥᓃᖃᑦᑕᕐᓂᖅ, ᐃᓪᓗᓕᕆᓂᖅ, ᐊᓯᖏᓪᓗ) ᓴᖓᑎᑦᑎᒋᐊᕋᔭᖅᑐᖅ ᑲᓇᑕᒥ ᓯᓚᕐᔪᐊᒥ ᖃᓄᐃᓕᖓᓂᕆᔭᖓᓂᑦ
  • ᑲᓇᑕᒥ ᐱᕙᓪᓕᐊᑎᑦᑎᓂᕐᒧᑦ ᓯᕗᓪᓕᐅᔾᔭᐅᔭᕆᐊᓖᑦ ᐱᖃᓯᐅᔾᔨᔭᕆᐊᖃᕐᒥᔪᑦ ᓯᓚᕐᔪᐊᒥᑦ ᓯᕗᓪᓕᐅᔭᐅᒋᐊᓕᓐᓄᑦ ᐊᒻᒪ ᐊᑐᖅᑕᐅᓂᐊᖅᑐᒥᑦ
  • ᐊᒥᓱᒐᓚᐃᑦ ᐃᓚᐅᖃᑕᐅᔪᑦ ᑲᔪᖏᖅᓴᐃᔪᑦ ᑲᓇᑕᒥ ᓯᕗᒃᑲᑕᖅᑎᐅᓗᓂ ᐱᓕᕆᐊᕆᔭᐅᓂᖏᓐᓄᑦ ᐊᔅᓱᕈᕈᑕᐅᔪᑦ ᐊᒻᒪ ᐱᕕᔅᓴᐅᔪᑦ ᐅᑭᐅᑕᖅᑐᒥᑦ ᐊᓯᖏᓐᓄᑦ ᓯᓚᕐᔪᐊᒥᑦ ᒐᕙᒪᖏᓐᓄᑦ; ᐊᑕᐅᓯᖅ ᐃᓚᐅᖑᖃᑕᐅᔪᖅ ᐃᓚᓯᓚᐅᖅᑐᖅ ᑕᒪᓐᓇ ᐱᖃᓯᐅᔾᔨᔭᕆᐊᓕᒃ ᓴᖅᑭᔮᖅᑎᑦᑎᓂᕐᒥᑦ ᓇᒻᒥᓂᖅ−ᑲᔪᖏᖅᓯᒪᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ

ᐊᓯᖏᑦ ᐅᖃᐅᓯᔅᓴᐃᑦ

  • ᐊᒥᓱᒐᓚᐃᑦ ᐃᓚᐅᖃᑕᐅᔪᑦ ᐃᓕᓴᖅᓯᓚᐅᖅᑐᑦ ᐱᒻᒪᕆᐅᓂᖓᓄᑦ ᑲᓇᑕᐅᑉ ᒐᕙᒪᒃᑯᖏᑦ ᐃᓂᒋᔭᖏᑦ ᖁᑦᑎᑐᒃᑯᑦᐃᑳᕐᕕᐅᔪᖅ ᓯᓚᕐᔪᐊᒧᑦ ᐃᒪᖓᓃᒻᒪᑦ, ᑭᓯᐊᓂ ᐅᖃᐅᔨᒋᐊᖅᑐᑦ ᑕᒪᓐᓇ ᓴᖅᑮᔭᕆᐊᖃᖏᑦᑐᖅ ᑕᐅᖅᓰᓂᕐᒥᑦ ᐅᕝᕙᓘᓐᓃᑦ ᓯᓚᕐᔪᐊᒥ ᐃᖏᕋᔪᓐᓇᓂᕐᒧᑦ ᐊᐳᕈᑎᖏᓐᓄᑦ
  • ᐱᓕᕆᖃᑎᒌᓐᓂᖅᓴᐅᔪᖃᕆᐊᖃᖅᑐᖅ ᐅᑯᓂᖓ "ᑲᓇᑕᒥ ᒥᐊᓕᒐᒥᓗ ᐅᑭᐅᑕᖅᑐᖅ", ᓲᕐᓗ, ᐊᕕᑦᑐᖅᓯᒪᔪᖅ ᐱᖃᓯᐅᔾᔨᔪᖅ ᐊᓛᔅᑲᒥ, ᐊᑯᑭᑦᑐᑦ ᐊᒻᒪ ᑲᓇᑕᐅᑉ ᐅᑭᐅᑕᖅᑐᖓ
    • ᓲᕐᓗ, ᐊᑯᑭᑦᑐᑦ ᐃᓱᒪᒋᔭᖃᖅᑐᑦ ᐊᑐᕐᓗᑎ ᓴᐃᑦ ᔮᓐ ᑐᓚᑦᑕᕐᕕᒋᓗᒍ
    • ᐱᖃᑕᐅᑎᓂᖅᓴᐅᔪᓐᓇᖅᑐᑦ ᐅᑭᐅᑕᖅᑐᒥ ᓯᓚᑦᑐᓴᕐᕕᒃᔪᐊᑦ
  • ᐊᑕᖏᕐᓇᑎ ᓯᓚᕐᔪᐊᒥ ᒐᕙᒪᐅᔪᑦ ᐃᓕᓴᖅᓯᔪᑦ ᐅᑭᐅᑕᖅᑐᒥᐅᑕᐃᑦ ᐱᓕᕆᖃᑕᐅᓪᓗᐊᑕᕆᐊᓖᑦ ᐊᒻᒪ ᑐᓂᓯᓗᑎ ᓯᓚᕐᔪᐊᒧᑦ ᐃᓱᒪᒋᔭᐅᔪᓂᑦ ᐅᑭᐅᑕᖅᑐᒧᑦ
  • ᓴᓇᓯᒪᓂᖓ ᐃᓕᓴᖅᓯᔭᕆᐊᓕᒃ ᐅᑭᐅᑕᖅᑐᖅ ᑐᐊᕕᕐᓇᖅᑐᒦᓕᕐᖓᑦ ᐃᓄᐊᒋᐊᔅᓯᕙᓪᓕᐊᓂᖏᓐᓄᑦ, ᓯᓚᐅᑉ ᐊᓯᔾᔨᕐᓂᖓᓄᑦ, ᑎᒥᖏᑦ ᐱᐅᑦᑎᐊᖏᓐᓂᖏᓐᓄᑦ ᓇᓗᓇᐃᕈᑏᑦ, ᐊᓯᖏᓪᓗ.
ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas